سارسەنبى, 1 ءساۋىر 2020
1170 8 پىكىر 17 اقپان, 2020 ساعات 11:24

وزبەكستان: ءاندىجان وقيعاسىندا بيلىك بەيبىت تۇرعىندارعا وق اتتى

وزبەكستان باس پروكۋرورىنىڭ ورىنباسارى سۆەتلانا ارتىكوۆا 2005 جىلدىڭ 13 مامىرىندا ءاندىجاندا ەلدىڭ قارۋلى كۇشى ەلگە وق اتقانىن مويىندادى. سول كەزدە بيلىك بۇل وقيعانى تەررورلىق ارەكەت دەپ سيپاتتاعان.

ارتىكوۆا qalampir.uz باسىلىمىنا بەرگەن سۇقباتىندا ادامدارعا وق اتۋعا جاۋاپتى بولعان بىرقاتار شەنەۋنىكتەر جازاعا تارتىلعانىن ايتتى. بىراق ولاردىڭ كىمدەر ەكەنىن ايتپادى.

قازىرگى كۇنگە دەيىن وزبەك بيلىگى ءاندىجاندا بەيبىت ميتينگىگە شىققانداردى سودىرلار ءولتىردى دەپ ايتىپ كەلدى.

2005 جىلدىڭ 13 مامىرىندا وزبەكستاننىڭ ءاندىجان قالاسىنداعى قاندى وقيعا كەزىندە رەسمي مالىمەت بويىنشا 187 ادام ولگەن. حالىقارالىق قاۋىمداستىق ءاندىجان وقيعاسى بويىنشا تاۋەلسىز تەكسەرۋدى تالاپ ەتتى. بىراق وزبەك بيلىگى كەلىسپەدى.

سول كۇنى جەرگىلىكتى تۇرعىندار دەمونستراتسياعا شىعىپ، وزبەكستاندا تىيىم سالىنعان "اكرامي" قوزعالىسىنىڭ مۇشەسى، ءدىني ەكسترەميست دەپ تانىلعان 23 ادامدى اباقتىدان بوساتۋدى تالاپ ەتكەن. ولار سونىمەن بىرگە ەلدەگى ەكونوميكالىق جانە الەۋمەتتىك جاعدايعا نارازىلىعىن جەتكىزگەن.

ءاندىجاندا قانتوگىس باستالعاننان كەيىن، جۇزدەگەن تۇرعىن قىرعىزستانعا باس ساۋعالاعان. كوبى قىرعىزستان ارقىلى شەتەلگە قاشقان.

وزبەكستاننىڭ بۇرىنعى پرەزيدەنتى يسلام كاريموۆ كوز جۇمعاننان كەيىن، رەجيمنىڭ قاتال ساياساتى جۇمسارىپ، بۇل وقيعاعا قاتىستى بىرقاتار فاكتىلەر اشىلا باستادى.

Abai.kz

8 پىكىر