جۇما, 29 ناۋرىز 2024
بىلگەنگە مارجان 6249 9 پىكىر 15 اقپان, 2020 ساعات 13:54

فرانتسيادان ءبىلىم الۋعا قازاق ستۋدەنتتەرىنە دە مۇمكىندىكتەر كوپ

ەسحات نۇرجۇماۇلى (فرانتسياداعى قولدانعان ەسىمى Ulysse Ouvrieu) 1988 جىلى تۋعان. فرانتسياداعى نورماندي بيزنەس اكادەمياسىنىڭ باسقارۋ عىلىمىنىڭ ماگيسترى. 2018 جىلدان باستاپ پاريجدەگى داۆينچي ۋنيۆەرسيتەتىنىڭ حالىقارلىق دامىتۋ ءبولىمىنىڭ جاۋاپتى قىزمەتكەرى بولىپ جۇمىس ىستەپ كەلەدى.


– ءوزىڭىز جۇمىس ىستەپ وتىرعان ءبىلىم ورداسىنىڭ تاريحى تۋرالى از-كەم  توقتالا كەتسەڭىز...

– بۇل ۋنيۆەرسيتەت پاريجدەگى رايوندىق ۇكىمەت قۇرعان جەكە جوعارى وقۋ ورنى. كەيىن كەلە دامۋ ساتىسىنا كوتەرىلىپ، قولداۋشىلارى مەن ءبىلىم الۋشىلاردىڭ جاقسى ورتاسىنا اينالىپ ۇلگىردى. ماقساتى پايدا تابۋ ەمەس، ءبىلىم الۋشىلارعا ساپالى ءبىلىم بەرۋ. قازىر وسى ۋنيۆەرسيتەتكە الەمنىڭ بارلىق ەلدەرىنەن كەلىپ، وقىپ جاتقان نەشە مىڭ ستۋدەتتەر بار. جەكە ۋنيۆەرسيتەت بولعانىمەن، ءبىلىم بەرۋى جاعىنان مەملەكەتتىك ۋنيۆەرسيتتەردەن كەم تۇسپەيدى.

– فرانتسيانىڭ ءبىلىم بەرۋ جۇيەسىندە قانداي ەرەكشەلىكتەر بار؟

– فرانتسيا ەلىندەگى ءبىلىم ساپاسىن وتە كەمەلدى دەپ ايتۋعا بولادى. جوعارى وقۋ ورنىنا ءتۇسىپ وقىعىسى كەلەتىندەرگە مۇمكىندىكتەر دە كوپ. بۇل ەلدەگى قوعامدىق ۋنيۆەرسيتتەر نەگىزىنەن اقىسىز. 11 سىنىپتى تاۋىسىپ، ديپلومدىق ەمتيحاننان وتكەندەر جوعارىدا ايتىلعان قوعامدىق ۋنيۆەرسيتەتتەرگە كىرىپ، وقي الادى. قايدا وقۋ، قاي وقۋ ورنىن تاڭداۋى ءار كىمنىڭ ءوز ەركىندە. ءبىر بايقاعانىم، فرانتسيا ەلىندە بارلىق ادامعا ءبىلىم الۋ مۇمكىندىگى قاراستىرىلعان. ارمانى بار ادامدى العا جەتەلەۋگە ۇكىمەت تە ىنتالى. پاپەولون كەزىندە باستالعان وقۋ باعدارلامالارى دا ءالى كۇنگە جۇزەگە اسىپ كەلە جاتىر. مەن ىستەپ وتىرعان ۋنيۆەرسيتەت تە سول باعدارلامانىڭ اياسىندا ءبىلىم بەرەدى. جوعارى وقۋ ورىنداعى ەرەكشەلىككە توقتالساق، ءار وقۋ جىلى بىتكەندە، ءبىر اي نەمەسە ەكى اي ۋاقىت پراكتيكالىق جۇمىسقا جىبەرىلەدى. ال ۋنيۆەرسيتەتتىڭ ءۇشىنشى جىلى مىندەتتى تۇردە شەتەلگە بارىپ، جارتى جىل تاجىريبە الماسادى. ال جەكە جوعارۋ وقۋ ورىندارى ۇلتتىق كومپانيالار، بيزنەس ورىندارى مەن تىعىز بايلانىستا بولادى. وسى ورىندار ۇلتتىق ءبىلىم جۇيەسىن دامىتۋعا، ستۋدەنتتەردىڭ ءبىلىم الۋ ساپاسىن جىل سايىن ارتتىرۋىنا كومەكتەسەدى.

– وسى جۇمىسقا ورنالاسۋىڭىزعا قانداي مۇمكىندىكتەر سەبەپ بولدى

– مەن اۋىلدا وسكەن قاراپايىم قازاقتىڭ بالاسىمىن. كەزىندە قىتايدىڭ ىشكى قالاسىندا وقىدىم. اسكەر قاتارىندا بولىپ، سوعىس ۇشاعىن ايداۋ مۇمكىندىگىم دە بولدى. ءتىپتى، دارەجەم ءوسىپ، اسكەري سالادا باسشىلىققا دا ۇسىنىلدىم. بىراق سونىڭ ءبارىن تاستاپ، باسقا سالادا وقىپ، ىزدەندىم. وقىعان ماماندىعىم پاراحوت ايداۋ. ارادا ءوزىم جەكە كومپانيا اشىپ، وزىمە جەتەرلىكتەي اقشا تاپقان سوڭ، شەتەلگە شىعىپ، ءبىلىم الدىم. وسى بارىستا ءوزىمنىڭ بيزنەس سالاسىندا جۇمىس جاساي الاتىنىما كوز جەتكىزگەن سوڭ،  شەتەلدەگى ءبىر جوعارى وقۋ ورنىنا ءتۇسىپ، ءبىلىم الۋدى كوزدەدىم. اعىلشىن ءتىلى دەڭگەيىم تومەن بولعنادىقتان، فيليپپينگە بارىپ، سول جاقتان ءتىل ۇيرەندىم. ەندى ويلاپ كورسەم، مەنى جەتەلەگەن، ماعان قانات بەرگەن – مەنىڭ ەسىل ارماندارىم ەكەن. دايىندىعىم بىتكەن سوڭ، پاريجدەگى بيزنەس ۋنيۆەرسيتەتىنە وقۋعا قابىلدانىپ، بىتىرگەن سوڭ، قازىرگى ىستەپ وتىرعان ۋنيۆەرسيتەتكە جۇمىسقا كىردىم. ولاردىڭ ماعان قىزىققانى مەنىڭ بىرنەشە ءتىل بىلەتىنىم جانە ءوز ماماندىعىما جەتىك بولعانىم. ونىڭ ۇستىنە حالىقارامەن تىعىز بايلانىس جاساۋعا مەن ولارعا كەرەك بولدىم.

– پاريجدەگى قازاقتارمەن ارالاسىپ تۇراسىز با؟

– وكىنىشتىسى مەن پاريجدە تۇرسام دا، وسىنداعى قازاقتارمەن كوپ ارالاسىپ كەتپەيمىن. جۋىقتا پاريجدەگى قازاقستان ەلشىلىگى ناۋرىز مەرەكەسىن تويلايدى دەپ ەستىدىم، سول كەزدە قانداستارىمنىڭ كوبىمەن تانىساتىن شىعارمىن.

– شەتەلدە ءبىلىم الۋدىڭ قانداي ارتىقشىلىقتارى بار؟

– سىرتقا شىقپاعان ادامداردىڭ كوزقارسى بەينە قۇدىقتىڭ تۇبىندەگى باقامەن بىردەي دەپ ايتۋعا بولادى. بۇنى قازاق «ۇلىم جاقسى بولسىن دەسەڭ، شەتكە ايدا» دەپ باياعىدا-اق ايتىپ كەتكەن. قازىرگىدەي دامىعان عاسىردا شەت ەلدەرگە شىعىپ، ۇقساماعان مادەنيەتتەردى ۇيرەنىپ، كۇن سايىن جاڭا دۇنيەگە كوز سالۋ مەيلى كىمدى بولسىن دامۋ ساتىسىنا كوتەرە الادى. قانشاما تار شەڭبەردە ءومىر سۇرسەك، سونشاما تار ويلايتىن بولامىز. ادامعا، ومىرگە، قوعامعا دەگەن تۇسىنىك تە سول شەڭبەردىڭ اياسىندا اينالسوقتايدى. شەتەلگە شىعىپ، ءومىر ءسۇرىپ جۇرگەندەر ءوز ءتىلىن ۇمىتادى دەگەن كوزقاراسپەن كەلىسپەيمىن. كەرىسىنشە، سىرتتا جۇرگەندەر ءوز تىلىنە، مادەنيەتىنە ادال بولادى.

– سىزدەردىڭ ۋنيۆەرسيتەتكە وقۋعا ءتۇسۋ ءۇشىن قانداي تالاپتار بار؟

– ءبىزدىڭ ۋنيۆەرسيتەت نەگىزىنەن باسقارۋ ماماندىعىن وقىتۋدى نەگىزگە الادى. ءبىرىنشى ديپلوم، سوسىن فرانتسۋز ءتىلىن ءبىلۋ نەگىزگى تالابى. ال ماگيسترۋتۋراعا ءتۇسۋ ءۇشىن اعىلشىن ءتىلىن جاقسى ءبىلۋى شارت. ءبىر قۋانىشتى جاعداي، وسى اقپان ايىنىڭ اياعىندا مەن ءوزىمىزدىڭ ۋنيۆەرسيتەتتىڭ اتىنان نۇر-سۇلتان قالاسى مەن الماتى قالالاسىنا بارىپ، ستۋدەنت قابىلداۋ جينالىسىنا قاتىسىپ، قازاق ەلىندەگى ءبىزدىڭ ۋنيۆەرسيتتەن وقىعىسى كەلەتىن ستۋدەنتتەرمەن بەتپە-بەت پىكىر الماسۋ ورايىن يە بولدىم.

ايتا كەتەيىن، 22 اقپان كۇنى نۇر-سۇلتان قالاسىندا، 23 اقپان كۇنى الماتى قالاسىندا وتەدى. گرانت الىپ، وقىعىسى كەلەتىندەر دە مەنىمەن تىكە حابارلاسىپ، ءوز ويلارىن ايتۋىنا ابدەن بولادى. وسى جولعى ساپارىسدا قازاقستانداعى فرانتسيادان وقىعىسى كەلەتىن ستۋدەنتتەردى كوپتەپ كەزدەستىرەتىن شىعارمىن دەگەن ۇمىتتەمىن. 22 اقپان كۇنى نۇر-سۇلتان قالاسى، سارىارقا كوشەسى № 4 Radisson Astana Hotel قوناقۇيىندە (ساعات 10:00-16:00), ال الماتى قالاسىندا 23 اقپان كۇنى ءال-فارابي داڭعىلى 77/7, Carlton Almaty Hotel قوناقۇيىندە وتەد.

اڭگىمەلەسكەن ديدار قايرات

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551