سارسەنبى, 1 ءساۋىر 2020
46 - ءسوز 1336 0 پىكىر 14 اقپان, 2020 ساعات 11:30

«ەرەكەڭ شىنشىل ادام بولاتىن»

تاريحشى، عالىم ەرمۇقان بەكماحانوۆتىڭ شاكىرتى سادىباي يساەۆتىڭ ەستەلىگىنەن:

1955 جىلدان باستاپ ەرەكەڭ (ە.بەكماحانوۆ) كازگۋ-ءدىڭ تاريح فاكۋلتەتىندە قازاق تاريحىنان ءدارىس بەرە باستادى. باسقا ۇستازدار سياقتى لەكتسياسىن قاعازدان وقىپ بەرمەيتىن. اسپاي-ساسپاي تاقتا الدىندا ءارلى-بەرلى ءجۇرىپ اۋىزشا ايتا بەرەتىن. وي جۇيەلەرى تىزبەكتەلىپ كەتە بەرەتىن. كەيدە ءۇزىلىس ارالىعىندا بىزدەرگە، قازاقتارعا: "قاشان ءوزىمىزدىڭ انا تىلىمىزدە سويلەر ەكەنبىز", — دەپ ازىلدەسىپ قوياتىن.

ەرەكەڭ تۋراشىل، شىنشىل ادام بولاتىن; جاعىمپازدىقتى، ماقتاۋدى، وتىرىكتى جەك كورەتىن. ءاربىر ستۋدەنتتەن سانالى ءبىلىمدى قاتاڭ تالاپ ەتەتىن. ءبىر ەمتيحان كەزىندە دايىندىعى ناشار ۋلمان الەكسەي يليچ دەگەن ستۋدەنت (ۇلتى ەۆرەي بولاتىن، كەيىن ول 1982 جىلى كازگۋ-دە ىستەدى، تاريح عىلىمدارىنىڭ كانديداتى بولدى) ءوزىنىڭ دايىنسىزدىعىن بۇركەمەلەپ، ەمتيحاننان قۇلاماۋ ماقساتىمەن بيلەتتەگى سۇراۋلاردان اۋىتقىپ، ەرەكەڭنىڭ ءوزىن ماقتاي جونەلدى. ەرەكەڭ ونىڭ دايىن ەمەستىگىن بىردەن سەزىپ: ء"اي، ۋلمان، سەن مەنى ماقتاۋىڭدى قوي، قويىلعان سۇراقتارعا ناقتىلى جاۋاپ بەر، ەگەر دايىن بولماساڭ، سونىڭدى ايت، بىراق سەنىڭ ەۆرەيلىك قىلىعىڭنىڭ ماعان كەرەگى جوق", — دەپ ەمتيحاندى قابىلداماي قويدى.

28 قاڭتار، 1992 ج.

اسەت اقمولدانىڭ الەۋمەتتىك جەلىدەگى جازباسىنان

Abai.kz

0 پىكىر