قازاقستان رەسپۋبليكاسى قوعام قايراتكەرلەرىنىڭ
ۇندەۋى

جامبىل وبلىسى قورداي اۋدانىنداعى ورىن العان قايعىلى جاعداي ءاربىر قازاقستاندىقتى بەي-جاي قالدىرمادى.

مەملەكەت تاراپىنان جەدەل تۇردە شارالار قابىلداندى.

پرەزيدەنت ق. توقاەۆتىڭ تاپسىرماسىمەن ۇكىمەت كوميسسياسى قۇرىلىپ، كىدىرمەستەن وقيعا ورنىندا جۇمىسىن باستاپ كەتتى. جۇمىستارىنا سالعىرت قاراعانى ءۇشىن جاۋاپتى تۇلعالارعا قاتىستى كادرلىق شەشىمدەر قابىلداندى. زارداپ شەككەندەرگە قاجەتتى كومەك كورسەتىلۋدە. وقيعا ورنىنداعى جاعداي اقپارات قۇرالدارىندا اشىق جانە جەدەل جاريالانۋدا.

ءبىز مەملەكەت تاراپىنان ءتارتىپ پەن قاۋىپسىزدىك ورناتۋعا بايلانىستى ىسكە اسىرىلىپ جاتقان كۇش-جىگەردى قولدايمىز.

ەلىمىزدىڭ كونستيتۋتسياسى مەن زاڭدارى بارلىق ازاماتتار ءۇشىن مىندەتتى بولىپ تابىلادى. ءپاتريوتيزمدى قالىپتاستىرۋ، ەتنوسارالىق كەلىسىم مەن بەيبىتشىلىكتى ساقتاۋ بارلىق قازاقستان ازاماتتارىنىڭ بورىشى.

تەك ديالوگ پەن كونسترۋكتيۆتى قارىم-قاتىناس قوعامداعى بىرلىك پەن كەلىسىمنىڭ نەگىزى بولا الادى.

پرەزيدەنت ق.ك. توقاەۆ اشىق جانە كەڭ قوعامدىق ديالوگتىڭ جاقتاۋشىسى بولىپ تابىلادى. مىنە سوندىقتان ۇلتتىق قوعامدىق سەنىم كەڭەسى قۇرىلىپ، ونىڭ اياسىندا مەملەكەت دامۋىنىڭ وزەكتى ماسەلەلەرى اشىق تالقىلانۋدا.

جەرگىلىكتى ءوزىن-ءوزى باسقارۋ ماسەلەلەرى، قۇقىق قورعاۋ ورگاندارى مەن سوت جۇيەسىن رەفورمالاۋ، جاستارعا ارنالعان الەۋمەتتىك ليفتتەردى قالىپتاستىرۋ، ەتنوسارالىق قاتىناستاردىڭ جاعدايى ۇلتتىق قوعامدىق سەنىم كەڭەسىنىڭ الداعى جۇمىس وتىرىستارىندا تالقىلاناتىن بولادى.

ءداستۇرلى ديالوگ مادەنيەتىن، ورىن العان وزەكتى ماسەلەلەردى بىرلەسە شەشۋدى جانە جالپىعا بىردەي ءتيىمدى جاۋاپتار تابۋدى دامىتۋ قاجەت دەپ ەسەپتەيمىز.

وتانىمىزدىڭ بارلىق ازاماتتارىن ءبىزدىڭ باستى مىزعىماس قۇندىلىعىمىز – قازاقستان حالقىنىڭ بىرلىگىن ساقتاۋعا بىرلەسە كۇش جۇمىلدىرۋعا شاقىرامىز.

بۇل سىناقتى ەڭسەرۋ حالقىمىزدىڭ قولىنان كەلەتىنىنە ءبىز سەنىمدىمىز.

ارىستانبەكوۆ ق.ت.
احمەتبەكوۆ ج.ءا.
ابەنوۆ م.ا.
ابدىعاليۇلى ب.
ءازىموۆا ە.ءا.
امىرتاەۆ ا.س.
باشيموۆ م.س.
ەسداۋلەت ۇ.و.
ەسپاەۆا د.م.
ەلگەزەك  ا.
ەسىم ع.
ەشەنۇلى ت
جۇمالى ر.ب.
يلەۋوۆا گ.ت.
يسا ق.ج.
كەنجەحانۇلى ر.
قاليەۆ ت.ب.
قۋات د.
قۇتتىقادام س.ر.
مايگەلدينوۆ ق.ءو.
مۇقيبەك ا
نۇربەك س.
پالىمبەتوۆ ب.ءا.
راقىمبەكوۆ ت.س.
سىدىقوۆ ە.ب.
سادىرباي ا.م.
سارىم ا.ءا.
سايروۆ ە.ب.
سپوتكاي م.ا
سەرىكباەۆ ب. س.
چەبوتارەۆ ا.ە
شيبۇتوۆ م.م

Abai.kz