جۇما, 29 ناۋرىز 2024
3012 0 پىكىر 13 اقپان, 2020 ساعات 15:03

پرەزيدەنت ميۋنحەن كونفەرەنتسياسىنا بارادى

مەملەكەت باسشىسى قاسىم-جومارت توقاەۆ 14-16 اقپان ارالىعىندا قاۋىپسىزدىك جونىندەگى 56-شى ميۋنحەن كونفەرەنتسياسىنا قاتىسۋ ءۇشىن ميۋنحەن قالاسىنا (گەرمانيا) جۇمىس ساپارىمەن بارادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي جازدى.

-ساپار باعدارلاماسى بويىنشا پرەزيدەنت ميۋنحەن قاۋىپسىزدىك كونفەرەنتسياسىنىڭ پانەلدىك پىكىرتالاسىنا قاتىسادى جانە بىرنەشە مەملەكەتتىڭ باسشىلارىمەن، حالىقارالىق ۇيىمداردىڭ، گەرمانيانىڭ ءىرى كومپانيالارىنىڭ جەتەكشىلەرىمەن، سونداي-اق، اكادەميالىق توپتاردىڭ وكىلدەرىمەن بىرقاتار ەكىجاقتى كەزدەسۋلەر وتكىزەدى دەپ جوسپارلانعان.

اتالعان ءىس-شاراعا 40-قا جۋىق مەملەكەتتىڭ باسشىلارى، 100-دەن استام سىرتقى ىستەر جانە قورعانىس مينيسترلەرى، حالىقارالىق قاتىناستار سالاسىنداعى بەدەلدى ساراپشىلار قاتىسادى.

قاۋىپسىزدىك جونىندەگى ميۋنحەن كونفەرەنتسياسى – ەڭ ءىرى جاھاندىق بەيرەسمي فورۋمداردىڭ ءبىرى. كونفەرەنتسيادا قازىرگى زاماننىڭ كوكەيتەستى سىن-قاتەرلەرى مەن قاۋىپتەرى تالقىلانادى،- دەپ جازدى ول.

گەرمانيادا قاۋىپسىزدىك كونفەرەنتسياسى 1962 جىلدان بەرى وتكىزىلىپ كەلەدى. العاشقى 30 جىلدا فورۋمعا ناتو مەملەكەتتەرىنىڭ اسكەري جانە ساياسي كوشباسشىلارى، ساياساتتانۋشىلار مەن باق وكىلدەرى قاتىستى. 90-شى جىلداردان باستاپ رەسەي مەن شىعىس ەۋروپانىڭ، قىتايدىڭ، ءۇندىستان مەن جاپونيانىڭ وكىلدەرى كونفەرەنتسياعا قاتىسىپ كەلەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618