سارسەنبى, 27 مامىر 2020
COVID-19 قازاقستاندا. جۇقتىرعاندار — 9304. جازىلعاندار — 4669. قايتىس بولعاندار — 37
1826 17 پىكىر 13 اقپان, 2020 ساعات 13:23

مۇحتار جاكىشەۆ ءۇشىنشى رەت ءوتىنىش بەردى

“قازاتومونەركاسىپ” ۇلتتىق كومپانياسىنىڭ بۇرىنعى باسشىسى مۇحتار جاكىشەۆ مەرزىمىنەن بۇرىن شارتتى تۇردە بوساتۋدى سۇراپ، ءۇشىنشى رەت ءوتىنىش بەردى.

بۇل تۋرالى ادۆوكات نۇرلان بەيسەكەەۆ الەۋمەتتىك جەلىدەگى پاراقشاسىندا جازدى.

-2020 جىلدىڭ 6 اقپانىندا مۇحتار جاكىشەۆ مەرزىمىنەن بۇرىن شارتتى تۇردە بوساتۋ تۋرالى ءۇشىنشى رەت ءوتىنىش ءتۇسىرىپ، ونى سەمەي سوتى 10 اقپاندا قابىلدادى, - دەپ جازدى ادۆوكا.

“قازاتومونەركاسىپ” ۇلتتىق اتوم كومپانياسىنىڭ بۇرىنعى باسشىسى 2009 جىلى ءىرى ۋران كەن ورىندارىنداعى مەملەكەت ۇلەسىن ساتتى دەگەن ايىپپەن ۇستالعان. 2010 جىلى سوت جاكىشەۆتى وزىنە سەنىپ تاپسىرىلعان قاراجاتتى جۇمسادى جانە پارا الۋعا بايلانىستى ايىپتى دەپ تانىلدى.

مۇحتار جاكىشەۆكە اراشا ءتۇسىپ، حالىقارالىق ۇيىمدار دا بىرنەشە رەت قازاقستان بيلىگىنە سۇراۋ سالعان. 2015 جىلى جاكىشەۆتىڭ شاعىمىن قاراعان بىرىككەن ۇلتتار ۇيىمىنىڭ ادام قۇقىقتارى جونىندەگى كوميتەتى جاكىشەۆتىڭ قۇقىعى بۇزىلعانىن راستاپ، قازاقستان بيلىگىن تۇتقىندى بوساتۋعا شاقىرعان.

ال بىلتىر جازدا سەمەي قالاسىنىڭ سوتى «قازاتومپروم» ۇلتتىق كومپانياسىنىڭ ەكس-باسشىسىنىڭ مەرزىمىنەن بۇرىن بوساتۋ تۋرالى ەكىنشى ءوتىنىشىن قاراپ، قاناعاتتاندىرماعان.

Abai.kz

17 پىكىر