سەيسەنبى, 26 مامىر 2020
COVID-19 قازاقستاندا. جۇقتىرعاندار — 8531. جازىلعاندار — 4515. قايتىس بولعاندار — 35
806 0 پىكىر 31 قاڭتار, 2020 ساعات 13:11

ۇكىمەت باسشىسى ا.مامين رف ۇكىمەتىنىڭ توراعاسى م. ميشۋستينمەن كەلىسسوز وتكىزدى

قر پرەمەر-ءمينيسترى اسقار مامين الماتى قالاسىنا ەۋرازيالىق ۇكىمەتارالىق كەڭەس (ەۇاك) وتىرىسىنا جانە «Digital Almaty» فورۋمىنا قاتىسۋ ءۇشىن كەلگەن رف ۇكىمەتىنىڭ توراعاسى م. ميشۋستينمەن كەزدەسۋ وتكىزدى. 

-ءبىز قر تۇڭعىش پرەزيدەنتى نۇرسۇلتان ءابىشۇلى نازارباەۆ پەن  ۆلاديمير ۆلاديميروۆيچ پۋتين نەگىزىن قالاعان ەكى ەل اراسىنداعى قارىم-قاتىناستاردىڭ ستراتەگيالىق باعىتىن ىسكە اسىرۋ ماقساتىندا رەسەيلىك ارىپتەستەرىمىزبەن ودان ءارى جۇمىس ىستەۋگە نيەتتىمىز. ءبىزدىڭ پرەزيدەنت قاسىم-جومارت كەمەلۇلى توقاەۆ ساباقتاستىقتى ءوز قىزمەتىنىڭ نەگىزگى ءپرينتسيپى رەتىندە ناقتىلادى، - دەدى ا. مامين.

رەسەي – قازاقستاننىڭ باستى ساۋدا سەرىكتەسى. 2019 جىلدىڭ 11 ايىندا ەكىجاقتى تاۋار اينالامى $17,2 ملرد قۇرادى. قر-دا رەسەيلىك كاپيتالدىڭ قاتىسۋىمەن 10 مىڭنان اسا كاسىپورىن جۇمىس ىستەيدى، بۇل شەتەلدىك كاپيتالى بار كاسىپورىنداردىڭ جالپى سانىنىڭ 37,4%-ىن قۇرايدى.

-ساۋدا-ەكونوميكالىق ءوزارا ءىس-قيمىلدىڭ جوعارى وڭ ديناميكاسىن قولداۋ ءۇشىن جەتكىزىلەتىن تاۋارلار مەن قىزمەتتەردىڭ نومەنكلاتۋراسىن كەڭەيتۋ، ءبىزدىڭ ىسكەرلىك ورتالارىمىزدىڭ اراسىندا تىكەلەي بايلانىستار ورناتۋ، سونداي-اق تاۋارلاردى ءۇشىنشى ەلدەردىڭ نارىقتارىندا ىلگەرىلەتۋ بويىنشا بىرلەسكەن جۇمىستاردى جالعاستىرۋ قاجەت. بۇل ماڭىزدى جۇمىس ەۋرازيالىق ەكونوميكالىق كوميسسيا الاڭىندا دا جۇرگىزىلۋدە،- دەدى ا. مامين.

قازاقستاندىق بيزنەستىڭ «كاماز» جانە «پەتەربۋرگ تراكتور زاۋىتى» ءتارىزدى رەسەيلىك ءىرى كومپانيالارمەن بىرلەسكەن جوبالارى بەلسەنە دامۋدا. اتاپ ايتقاندا، جۇك اۆتوموبيلدەرىنىڭ نەگىزگى بىلىكتەرىنىڭ باستى بەرىلىستەرىنىڭ رەدۋكتورلارىن (2021 ج. 4 توقسانىندا پايدالانۋعا بەرۋ), كاماز، اۆتوموبيلدەرىنىڭ ءشاسسيى بازاسىندا ارنايى تەحنيكا وندىرەتىن زاۋىت اشۋ، بولشەكتەر شىعاراتىن قۇيۋ زاۋىتىن اشۋ جوسپارلانعان. سونىمەن بىرگە، قازاقستاندا اۆتوموبيلدەردىڭ جاڭا ۇلگىلەرىن تەستىلەۋ ءۇشىن سىناق پوليگونى بار ينجينيرينگ جانە زەرتتەۋ ورتالىعىن قۇرۋ كوزدەلگەن. 2019 جىلى شىلدەدە «پەتەربۋرگ تراكتور زاۋىتىمەن» بىرلەسىپ «كيروۆەتس» تراكتورلارىنىڭ العاشقى تەستىلىك پارتياسىن قۇراستىرۋ جۇزەگە اسىرىلدى.

-ۇكىمەت باسشىسى رەتىندە العاشقى ساپارلارىمىزدى قازاقستاننان باستايتىنىمىز ماڭىزدى. ءبىزدى بۇرىننان كەلە جاتقان دوستىق جانە ارىپتەستىك قارىم-قاتىناستار بايلانىستىرادى. ساۋدا-ەكونوميكالىق، ينۆەستيتسيالىق ىنتىماقتاستىق قارقىندى تۇردە دامۋدا، ايمىقتىق بايلانىستار نىعايۋدا، - دەدى م. ميشۋستين.

كەزدەسۋ بارىسىندا ونەركاسىپ، ەنەرگەتيكا، اسكەري تەحنيكا، عارىش، سۋ جانە تابيعاتتى قورعاۋ سالالارىنداعى ەكىجاقتى ىنتىماقتاستىقتى ودان ءارى دامىتۋ، سونداي-اق ەاەو مەن باسقا دا ينتەگراتسيالىق بىرلەستىكتەر اياسىنداعى ءوزارا ءىس-قيمىل ماسەلەلەرى تالقىلاندى.

ا. مامين مەن م. ميشۋستين بيىل قاراشا ايىندا كوكشەتاۋ قالاسىندا وتەتىن «ەكولوگيالىق ىنتىماقتاستىق» تاقىرىبىنداعى XVII ايماقارالىق ىنتىماقتاستىق فورۋمىنا ساپالى ازىرلەنۋدىڭ ماڭىزدىلىعىنا باسا نازار اۋداردى.

بىلتىر ومبى قالاسىندا وتكەن فورۋمدا قول قويىلعان قازاقستان – رەسەي شەكاراسىنداعى وتكىزۋ پۋنكتتەرىنىڭ جۇمىسى بويىنشا بىرلەسكەن ءىس-قيمىل باعدارلاماسىن ىسكە اسىرۋ بويىنشا جۇمىستاردى جانداندىرۋ قاجەتتىگى اتاپ ءوتىلدى.

Abai.kz

0 پىكىر