جۇما, 29 ناۋرىز 2024
5852 6 پىكىر 31 قاڭتار, 2020 ساعات 12:16

جاڭاوزەندىكتەر پرەزيدەنت توقاەۆقا اشىق حات جازدى

ماڭعىستاۋ وبلىسى جاڭاوزەن قالاسىنىڭ تۇرعىندارى قر پرەزيدەنتى ق.توقاەۆقا 2011 جىلى 16 جەلتوقساندا جاڭاوزەندە مۇنايشىلاردىڭ بەيبىت ەرەۋىلى كەزىندە حالىققا وق اتۋعا بۇيرىق بەرگەن لاۋازىمدى تۇلعانى انىقتاۋدى تالاپ ەتىپ حات جولدادى،- دەپ حابارلايدى ازاتتىق راديوسى.

حاتقا جۇزدەن استام جاڭاوزەن تۇرعىنى قول قويعان. ولاردىڭ باسىم كوپشىلىگى وقيعا كەزىندە جاقىندارىنان ايىرىلعاندار، جارالانىپ، مۇگەدەك بولعاندار.
بۇل حاتتى پرەزيدەنت توقاەۆقا تاپسىرۋ ءۇشىن جاڭاوزەن تۇرعىندارى نۇرلىبەك نۇرعاليەۆ پەن مۇراتباي جۇماعاليەۆ ارنايى ەلورداعا بارعان. تۇرعىندار مۇنداي حات وسى ۋاقىتقا دەيىن ەكس-پرەزيدەنت ن.نازارباەۆقا بىرنەشە رەت جولدانعانىن ايتادى. الايدا، ەش جاۋاپ بولماپتى.

-جاڭاوزەندەگى وقيعاعا بايلانىستى اۋقىمدى نەگىزگى ماسەلە – قارۋسىز حالىققا پوليتسيانىڭ وق اتۋى. اتىس قارۋىن قولدانۋعا بۇيرىق بەرۋگە قۇقىلى بىردەن-ءبىر ۋاكىلەتتى تۇلعا، ول – ماڭعىستاۋ وبلىستىق ىشكى ىستەر دەپارتامەنتىنىڭ باستىعى بولۋى مۇمكىن بە؟ بىراق پوليتسيا – تومەننەن جوعارىعا باعىناتىن، اتىس قارۋىن قاتارداعى پوليتسيانىڭ وزدىگىنەن قولدانۋى مۇمكىن ەمەس ورگان. ياعني – بۇقارا حالىققا قارسى اتىس قارۋىن قولدانۋعا مىندەتتى تۇردە بىرەۋ بۇيرىق بەردى. دەمەك، بۇيرىقتى بەرگەن كىم؟ قارۋسىز ادامدارعا وق اتقانداردى انىقتاپ، جاۋاپقا تارتپاي جاڭاوزەن جاعدايى تۇراقتانبايتىنىن ەسكەرتەمىز،- دەلىنگەن حاتتا.

بۇدان بولەك تۇرعىندار جارالانعاندارعا، بالاسىنان، تۋىسىنان ايىرىلىپ، قاتتى كۇيزەلىستىڭ سالدارىنان دەنساۋلىعىنان ايىرىلعاندارعا ارنايى مارتەبە بەرۋدى بەرۋدى تالاپ ەتەدى.

ايتا كەتەيىك، 2011 جىلدىڭ 16-جەلتوقسان كۇنى ماڭعىستاۋ وبلىسىنداعى جاڭاوزەن قالاسىندا پوليتسيا بىرنەشە اي بويى ەرەۋىلدەپ تۇرعان مۇنايشىلارعا قارسى وق جاۋدىرىپ، كۇشپەن تاراتقان. كەيىن رەسمي دەرەك بويىنشا، 17 ادامنىڭ قازا بولىپ، 100-دەن استام ادامنىڭ جارالانعانى انىقتالدى.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593