جۇما, 29 ناۋرىز 2024
46 - ءسوز 3668 0 پىكىر 30 قاڭتار, 2020 ساعات 13:38

جۇرتتىڭ ەشكىسى، ءيتى جانە سايلاۋى

اقش-تىڭ ۆەرمونت شتاتىنداعى Fair Haven قالاسىندا ەشكى مەن يت "قۇرمەتتى مەر" اتانۋ ءۇشىن سايلاۋعا ءتۇسىپ جاتىر ەكەن. قالانىڭ قازىرگى قۇرمەتتى مەرى لينكولن اتتى ەشكى ەكىنشى رەت باق سىناپ كورمەكشى. ال ونىڭ قارسىلاسى-سەممي اتتى نەمىس وۆچاركاسى.

Associated Press-ءتىڭ ايتۋىنشا، سايلاۋ وتە تارتىستى وتكەلى تۇر. ويتكەنى قالادا ەكى كانديدات تا وتە تانىمال ءارى ەكەۋىنىڭ دە قولداۋشىلارى وتە كوپ. سايلاۋعا قاتىسۋ ءۇشىن قالا تۇرعىندارى 1 دوللار تولەۋى كەرەك. جينالعان اقشا بالالارعا ويىن الاڭىن سالۋعا جۇمسالادى. وسىنداي ەرەكشە سايلاۋ وتكىزۋدىڭ تاعى ءبىر ماقساتى-تۇرعىنداردىڭ سايلاۋعا دەگەن قىزىعۋشىلىعىن ارتتىرۋ، بالالاردى ازامات بولۋعا تاربيەلەۋ.

سونىمەن قاتار، ۆەرمونتتىق قۇرمەتتى مەردىڭ قازاقستاندىق اكىمدەردەن ايىرماشىلىعى دا، ۇقساستىعى دا بار. ايىرماشىلىعى-ۆەرمونتتىق قۇرمەتتى مەر قىزمەتكە اشىق ءارى ءادىل سايلاۋ ارقىلى كەلەدى. ال ءبىزدىڭ اكىمدەردى "كىتاپحانا" مەن اپ تاعايىندايدى. ۇقساستىعى-ۆەرمونتتىق قۇرمەتتى مەر ءبىزدىڭ اكىمدەر سياقتى پارادقا قاتىسۋعا (بىزدەگى قالا كۇنىنە ارنالعان مەرەكەلىك ءىس-شارالاردا بوي كورسەتۋ، لەنتا قيۋ مەن پاتەردىڭ كىلتىن تاپسىرۋمەن تەڭ), ويىن الاڭىن سالۋعا جينالاتىن قاراجاتتى باقىلاۋعا (بىزدەگى بيۋدجەتتى يگەرۋ) جانە Board of Selectmen ء(ماسليحات دەپۋتاتتارى مەن قوعامدىق كەڭەس مۇشەلەرىمەن جۇزدەسۋ) كەزدەسۋلەرىنە قاتىسۋعا مىندەتتى.

P.S. ۇلتتىق كەڭەس (نسود) قازاقستاندى دەموكراتيالاندىرامىز دەپ  جۇرگەندە Fair Haven تۇرعىندارى ناۋرىزدا ەكىنشى رەت وزدەرىنىڭ قۇرمەتتى مەرىن سايلاپ الادى. باسقاشا ايتقاندا، جۇرتتىڭ ەشكىسى مەن ءيتى دە قىزمەتكە سايلاۋ ارقىلى كەلەدى. قاراپ تۇرساق، دەموكراتيا ءبىزدىڭ مەنتاليتەتكە سايكەس كەلمەيدى. ەرتەڭ ازاماتتارعا اكىمدەردى سايلاۋعا مۇمكىندىك بەرسەك، تۇرعىندار وزدەرىنشە قۇتىرىپ، امەريكالىقتار سياقتى قۇرمەتتى اكىمدى اڭ-قۇس پەن ءتورت تۇلىكتىڭ اراسىنان تاڭدايمىز دەپ شىقپاسىنا كىم كەپىل؟! قۇرسىن! بەتى اۋلاق.

شالقار نۇرسەيىتتىڭ الەۋمەتتىك جەلىدەگى جازباسىنان

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601