سوڭعى ءبىر ايدىڭ ىشىندە كاسىپ اشىپ، ۇلكەن بيزنەسمەن بولىپ وتىرعان 4-5 ايەلمەن كەزدەستىم. سولاردىڭ ومىرىنە قاراپ وتىرساڭ، بىرەۋى بيزنەس ترەنينگ پەن سەميناردا بولىپ كورمەپتى. بىرەۋىنىڭ ءومىرى ءتىپتى قىزىق. ول كىسى باسىندا كوشەدە اربا سۇيرەپ ءجۇرىپ ءشاي مەن ىستىق ءبالىش ساتىپتى. قىس قاقاپ تۇرعاندا قالىڭ كيىنىپ الىپ كوشەدە، جولدىڭ جيەگىندە تۇرعان ەكەن. سودان ءبىراز اقشا جيناپ الىپ اسحاناسىن اشقان. ودان كەيىن مەيرامحانا، ناۋبايحانا سالىپتى.

تاعى ءبىر ايەل قاپشاعايدان كۇيەۋى ەكەۋى قالاعا تەءمىر-تەرسەك تاسىپ ءجۇرىپتى دە، ەكى جىلدان كەيىن كيىم تىگەتىن تسەح اشىپ الىپتى. ولار دا ءسويتىپ قارا جۇمىس ىستەپ ءجۇرىپ كوتەرىلگەن. بيزنەس اشقىسى كەلەتىن ادامدا ەڭ الدىمەن ىشكى ۇمتىلىس، تيىننان تەڭگە قۇراعىسى كەلەتىن ماقسات بولۋى كەرەك ەكەن. ەڭ ءبىرىنشى ءىستىڭ كوزىن تاپ، سوسىن بارىپ كىرىس.

كەيىنگى كەزدە سەمينار، بيزنەس ترەنينگتەن كوز اشپايتىن بولدىق. ەلگە اقىل ايتىپ اقشا تاباتىن بيزنەسى جوق بيزنەسمەندەر كوبەيىپ كەتتى. بار اقشاسىن سوندا سالىپ، بيزنەسى جۇرمەي قالعان سوڭ وزىنە قول جۇمساعاندار دا بار ەكەن. ودان دا ءىستىڭ كوزىن تاۋىپ، سول اقشاعا تاۋەكەلدەپ ءوز بەتىڭنەن بيزنەس اشىپ كورشى، سول ساعان سەمينار دا، بيزنەس ترەنينگ تە، ومىرلىك ساباق تا بولادى!

جولىمبەت ماكىشتىڭ الەۋمەتتىك جەلىدەگى جازباسىنان

Abai.kz