سارسەنبى, 3 ماۋسىم 2020
COVID-19 قازاقستاندا. جۇقتىرعاندار — 11571. جازىلعاندار — 5941. قايتىس بولعاندار — 44
فوتومۇراعات 1489 4 پىكىر 29 قاڭتار, 2020 ساعات 13:10

قاۋىپتى ۆيرۋس. لاتىن ءالىپبيى. زەيناتاقى قورى (فوتوبايان)

قىتايداعى قاۋىپتى ۆيرۋسقا قاتىستى...

قر دەنساۋلىق ساقتاۋ ءمينيسترى ەلجان ءبىرتانوۆ:

- بۇگىنگە دەيىن ەلىمىزگە قىتايدان 25 858 ادام كەلدى. ولار - قازاقستان ازاماتتارى مەن شەتەلدىك ازاماتتار. بارلىق مالىمەتتەر دەنساۋلىق ساقتاۋ مينيسترلىگىنە، سودان كەيىن باقىلاۋ كوميتەتى ارقىلى بەرىلەدى. تەكسەرۋلەر جانە ازاماتتارمەن بايلانىس تۇرعىلىقتى جەرى بويىنشا جۇرگىزىلەدى. 

بۇگىنگى تاڭدا ىستىعى كوتەرىلگەن 23 ناۋقاس كەلدى. ولاردىڭ 4-ەۋى ۆيرۋس بەلگىلەرى بولۋى مۇمكىن دەگەن كۇدىكپەن اۋرۋحاناعا جاتقىزىلدى. سەبەبى، ولاردىڭ دەنساۋلىعىنداعى كەيبىر بەلگىلەر مەن ۆيرۋستىق ينفەكتسيا اراسىندا ناقتى ايىرماشىلىق جوق. سوندىقتان، ولار جرۆي-عا كۇدىكتى رەتىندە اۋرۋحاناعا جاتقىزىلدى.

ءۇش كۇن ىشىندە تولىق دياگنوز قويىلادى. ءتيىستى تەراپيا باستالدى. 

قر سىرتقى ىستەر ۆيتسە-ءمينيسترى شاحرات نۇرىشەۆ:

- شەكارانى جابۋ ءۇشىن دۇنيەجۇزىلىك دەنساۋلىق ساقتاۋ ۇيىمىنىڭ كەپىلدەمەسى كەرەك. ءبىزدىڭ قحر-داعى ەلشىلىگىمىز، باس كونسۋلدىق قىتاي ازاماتتارى ءۇشىن قۇجات راسىمدەۋ تالاپتارىن كۇشەيتتى. سونىڭ ىشىندە، ۆيزا راسىمدەۋ ءۇشىن دەنساۋلىق جاعدايى تۋرالى انىقتاما تالاپ ەتىلەتىن بولدى. 

بىلەسىزدەر، قىتاي ازاماتتار ءۇشىن 72 ساعاتتىق ۆيزاسىز ترانزيتتىك ءجۇرىپ-تۇرۋ رەجيمى ۇكىمەت شەشىمىمەن ۋاقىتشا توقتاتىلعان. سونداي-اق، ەلەكتروندى ۆيزامەن قازاقستانعا، اۋەجايعا كەلگەن قىتاي ازاماتتارىنىڭ قۇجاتتارى راسىمدەلمەيدى. ال شەكارانى جاباتىن بولساق، وندا ءبىز قىتايداعى ءوز ازاماتتارىمىزدى ەلگە جەتكىزى الماي قالامىز. 

لاتىن الىپبيىنە قاتىستى...

قر مسم، ءتىل ساياساتى كوميتەتى توراعاسىنىڭ ورىنباسارى ادىلبەك قابا:

- ءتىل – قازاقتىڭ جانى. دەربەس ۇلت ەكەنىنىڭ بەلگىسى. مەملەكەتتىگىمىزدىڭ سيمۆولى. ءتىلدى ساقتاۋ – ءار قازاقتىڭ جانىن ساقتاۋ. ارىن ساقتاۋ. تىلمەن بەرىلەتىن ۇلتتىق ەرەكشەلىگىمىزدىڭ بارىن ساقتاۋ.

كەرەگى، ءار ازاماتتىڭ تۋعان تىلىنە جانى اشىعانى. كەرەگى، دامۋ جولىنا تۇسكەن ەلدەردىڭ قاتارىنان قالماي، العا جىلجىعانىمىز. كەرەگى، قازاق ءتىلىن عىلىم تىلىنە اينالدىرۋ. كەرەگى، ۇلت ءتىلىن بىلەتىن سوڭعى ادام قاسىرەتىن باستان كەشپەۋ. كەرەگى، ءوزىمىزدىڭ باي تىلىمىزبەن الەمدى ءتانتى ەتۋ. كەرەگى، قازاق ۇلتىنىڭ، ونىڭ ءتىلىنىڭ ماڭگى جاساعانى!

زەينەتاقى قورىنا قاتىستى...

قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ:

- بۇگىنگى تاڭدا بىرىڭعاي جيناقتاۋشى زەينەتاقى قورىندا جينالعان سالىمدارىمىزدىڭ جالپى قورى – 10 ترلن 400 ملرد تەڭگە. 9,9 ملن زەينەتاقىلىق ەسەپشوت بار. سول 9,9 ملن ەسەپشوتتا 5,3 ملن ادامنىڭ زەينەتاقىلىق جيناعى – 500 مىڭ تەڭگەگە عانا جەتەدى. ودان بولەك، 1,6 ملن ادامنىڭ زەينەتاقىلىق جيناعى – 500 مىڭ تەڭگەدەن 1 ملن تەڭگەگە دەيىن جينالعان. دەمەك، ءبىزدىڭ ازاماتتاردىڭ 69 پايىزىنىڭ 1 ميلليون تەڭگەگە دەيىن عانا جارنالارى بار. 9,9 ملن سالىمشىنىڭ 15 پايىزىنىڭ زەينەتاقى جارنالارى – 1-2 ملن تەڭگە ارالىعىندا. سونىمەن جالپى زەينەتاقى سالىمشىلاردىڭ 84 پايىزىنىڭ جيناعى 2 ميلليون تەڭگەگە عانا جەتەدى. 

Abai.kz

4 پىكىر