جۇما, 29 ناۋرىز 2024
4067 12 پىكىر 29 قاڭتار, 2020 ساعات 11:17

باق گۇلنارا كاريموۆانىڭ ۇلىبريتانياداعى بارلىق مۇلكىن جاريالادى

بريتاندىق The Times گازەتى وزبەكستاننىڭ ەكس-پرەزيدەنتى يسلام كاريموۆتىڭ قىزى گۇلنارانىڭ ۇلىبريتانياداعى جىلجىمايتىن مۇلكىنىڭ ءتىزىمىن جاريالادى.

بۇل نىسانداردىڭ ءبارى تاركىلەنۋى مۇمكىن. SFO (Serious Fraud Office) الاياقتىقپەن كۇرەس جونىندەگى بيۋرو گۇلنارا كاريموۆانىڭ مۇلكى جايىنداعى مالىمەتتى باستاپقىدا Gazette باسىلىمىنا بەرگەن.

اڭگىمە سۋررەي گرافتىعىنداعى ءزاۋلىم ءۇي مەن لوندوننىڭ قىمبات اۋدانىنداعى جالپى قۇنى 40 ملن فۋنت ستەرلينگ ($52 ملن) تۇراتىن ەكى پاتەر جايىندا.

سۋررەي گرافتىعىنداعى Gorse Hill Manor ۆيللاسىن كاريموۆا 2010 جىلى 18 ملن فۋنتقا (23,5 ملن دوللار) ساتىپ العان. قازىر ونىڭ باعاسى 30 ملن فۋنت (39 ملن دوللار) تۇرادى. ءۇي ماڭىندا وزەن بار، ونىڭ جانىندا 1912 جىلى سالىنعان سەرۋەن قۇراتىن مەكەن مەن 70 مىڭ شارشى مەتر ساياباق بار.

لوندونداعى مەيفەر اۋدانىندا ورنالاسقان پاتەردىڭ قۇنى 8 ملن فۋنت (10,4 ملن دوللار) تۇرسا، بەلگراۆيا اۋدانىنداعى پاتەردىڭ باعاسى 2 ملن فۋنتقا (2,6 ملن دوللار) بارادى.

8 قاڭتاردا وزبەكستاننىڭ جوعارعى سوتىنىڭ ءباسپاسوز قىزمەتى تاشكەنتتە كاريموۆا ىسىنە بايلانىستى جاڭا سوت پروتسەسسى باستالعانىن راستادى. ونىڭ شۆەيتسارلىق ادۆوكاتى گرەگۋار مانجا مەن قىزى يمان بىلتىر سوت وتىرىسىنىڭ جابىق وتەتىنىن حابارلاعان.

بۇل جولى كاريموۆانى قىلمىستىق توپ قۇرىپ، اقشا بوپسالاۋمەن اينالىستى، بيۋدجەت اقشاسىن جىمقىردى جانە شەتەلدەگى كولەڭكەلى تابىس كوزىن زاڭداستىردى دەپ ايىپتاپ جاتىر.

2017 جىلى اكەسى يسلام كاريموۆ قايتىس بولعاننان كەيىن، گۇلنارا وزبەكستاندا سالىقتان جالتاردى، مەملەكەت قارجىسىن ۇرلادى دەگەن ايىپپەن 10 جىلعا سوتتالعان.

Abai.kz

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616