دۇيسەنبى, 6 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
847 2 پىكىر 28 قاڭتار, 2020 ساعات 13:58

ەلىمىزدە ۋاقىتشا تىركەلگەن شەتەلدىك كولىكتەرگە ارنايى نومىرلەر بەرىلمەك

ەۋرازيالىق ەكونوميكالىق وداق ەلدەرىنەن، ونىڭ ىشىندە ارمەنيا مەن قىرعىزستاننان اكەلىنگەن كولىكتەر ءۇشىن جەكە مەملەكەتتىك ءنومىر قولدانىلاتىن بولادى. بۇل تۋرالى قر ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ مالىمدەدى.

ۆيتسە-مينيستر بۇل مالىمەتپەن ورتالىق كوممۋنيكاتسيالار قىزمەتىندە وتكەن بريفينگ بارىسىندا ءبولىستى. قوجاەۆ ماشينا يەلەرىنە نە ىستەۋ كەرەكتىگى تۋرالى ارەكەتتەر الگوريتمىن ايتتى.

- قويىلاتىن تالاپتار قاراپايىم، ازاماتتارعا بۇل ماشينالاردى زاڭداستىرۋعا مۇمكىندىك بەرىلدى. سونداي-اق ۋتيليزاتسيالىق تولەم مەن كەدەندىك باج سالىعىن تولەۋگە ءبىر جىل مەرزىم بەرىلەدى. ول اۆتوكولىكتەرگە ارنايى سەريالى نومىرلەر بەرىلىپ، تىركەۋ كۋالىگىنە وسى كولىكتى تىركەۋ شارتتارى تۋرالى ءتيىستى بەلگى قويىلادى.

اتالعان كولىكتەرگە ارنايى سەرياسى مەن ءتۇرى بار مەملەكەتتىك نومىرلەر تاعايىندالادى. ال تەحپاسپورتىنا اتالعان كولىكتىڭ تىركەۋ شارتتارى جونىندەگى بەلگى ەنگىزىلەدى. ىشكى ىستەر مينيسترلىگى سارى فونداعى ءنومىردىڭ ۇلگىسىن شىعاردى. ايماقتىق بەلگىسى - 18. ودان بولەك، تەحپاسپورتتا 2021 جىلعى 1-ناۋرىزعا دەيىنگى داتا كورسەتىلەدى. ەگەر سول ۋاقىتقا دەيىن تولەم جۇرگىزبەسە، ءنومىرى زاڭسىز دەپ تانىلادى. دەمەك، پوليتسيا بارلىق شەكتەۋ شارالارىن جۇزەگە اسىراتىن بولادى, - دەدى قوجاەۆ.

سونىمەن قاتار قر ىشكى ىستەر ءمينيسترىنىڭ ءبىرىنشى ورىنباسارى تىركەۋگە قاجەتتى قۇجاتتاردى اتادى.

«ۋاقىتشا تىركەۋ ءۇشىن كەلەسىدەي قۇجاتتاردى ۇسىنۋ قاجەت: جەكە كۋالىك، بۇرىنعى مەملەكەتتىك نەمەسە ترانزيتتىك نومىرلىك بەلگىلەر، تىركەۋ جونىندەگى كۋالىك، مەنشىك قۇقىعىن دالەلدەيتىن قۇجاتتار، سونداي-اق، العاشقى تىركەۋ جونىندەگى تۇبىرتەك، مەملەكەتتىك ءنومىردى ازىرلەۋ مەن تەحپاسپورتتى ازىرلەۋ جونىندەگى باجدار. شارتتارى وتە وڭاي. ازاماتتاردىڭ اۆتوكولىكتەرىن زاڭداستىرىپ، ۋتيليزاتسيالىق الىم مەن كەدەندىك باجداردى ءبىر جىلعا قالدىرىپ تولەۋگە مۇمكىندىك تۋىپ وتىر»، - دەپ ءتۇسىندىردى ۆيتسە-مينيستر.

Abai.kz

2 پىكىر