جۇما, 29 ناۋرىز 2024
انىق 4965 6 پىكىر 28 قاڭتار, 2020 ساعات 12:59

ءبىرتانوۆ: قىتايدان كەلگەن 4 ادام اۋرۋحاناعا جاتقىزىلدى

قر دەنساۋلىق ساقتاۋ ءمينيسترى ەلجان ءبىرتانوۆ 6 قاڭتاردان باستاپ قازاقستانعا قىتايدان قانشا ادام كەلگەنىن، ولاردىڭ اراسىندا قاۋىپتى ۆيرۋس جۇقتىرۋى مۇمكىن دەگەندەردىڭ دە بار ەكەنىن ايتتى. 

- بۇگىنگە دەيىن ەلىمىزگە قىتايدان 25 858 ادام كەلدى. ولار - قازاقستان ازاماتتارى مەن شەتەلدىك ازاماتتار. بارلىق مالىمەتتەر دەنساۋلىق ساقتاۋ مينيسترلىگىنە، سودان كەيىن باقىلاۋ كوميتەتى ارقىلى بەرىلەدى. تەكسەرۋلەر جانە ازاماتتارمەن بايلانىس تۇرعىلىقتى جەرى بويىنشا جۇرگىزىلەدى, - دەدى مينيستر.

مينيستر ءبىرتانوۆ قىتايدان ەلگە كەلگەن ازاماتتاردىڭ اراسىندا ىستىعى كوتەرىلگەن، جرۆي (ورۆي) بەلگىلەرى انىقتالعان ادامدار دا بار ەكەنىن ايتادى.

- بۇگىنگى تاڭدا ىستىعى كوتەرىلگەن 23 ناۋقاس كەلدى. ولاردىڭ 4-ەۋى ۆيرۋس بەلگىلەرى بولۋى مۇمكىن دەگەن كۇدىكپەن اۋرۋحاناعا جاتقىزىلدى. سەبەبى، ولاردىڭ دەنساۋلىعىنداعى كەيبىر بەلگىلەر مەن ۆيرۋستىق ينفەكتسيا اراسىندا ناقتى ايىرماشىلىق جوق. سوندىقتان، ولار جرۆي-عا كۇدىكتى رەتىندە اۋرۋحاناعا جاتقىزىلدى,- دەدى ءبىرتانوۆ.

مينيستر اۋرۋحانادا بارلىق قاجەتتى قان اناليزدەرى الىنعانىن ايتتى.

- ءۇش كۇن ىشىندە تولىق دياگنوز قويىلادى. ءتيىستى تەراپيا باستالدى، - دەپ قورىتىندىلادى دسم ءمينيسترى.

ايتا كەتەيىك بۇگىندە رەسمي بەيجىڭ تاراتقان مالىمەت بويىنشا، قاۋىپتى كورونوۆيرۋستان قايتىس بولعاندار سانى 106 ادامعا جەتكەن. ال بەلگىسىز ىندەتتى جۇقتىرعانداردىڭ قاتارى 1300 ادامعا كوبەيىپ، 4515 ادام بولعان.

بەلگىسىز پنەۆمانيالىق كورونوۆيرۋستىڭ تارالۋ وشاعى قىتايدىڭ ۋحان قالاسى. وندا رەسمي 11 ميلليون ادام تۇرادى. قازىر بۇل قاۋىپتى ىندەت قىتاي شەكاراسىنان اسىپ، اقش، كانادا، فرانتسيا، اۆستراليا، گەرمانيا، جاپونيا جانە وڭتۇستىك كورەيا اۋماقتارىنا دەيىن تاراعان.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576