بەيسەنبى, 28 ناۋرىز 2024
46 - ءسوز 5487 4 پىكىر 24 قاڭتار, 2020 ساعات 12:50

"ادامنىڭ ار-ۇياتى – ءمان تابۋشى ورگان"

ايالدامادا اۆتوبۋس كەلگەنشە ۋاقىت ءولسىن دەپ تەلەفون شۇقىلاپ تۇرعان ەدىم. بىرەۋ اياق كيىمىمنىڭ جانىندا جاتقان كىر-كىر سالافاندى الىپ پاكەتىنە سالىپ جاتىر. ادەپكىدە قوقىس جيناۋشى دەپ ويلادىم. جوق، ءاپ-ادەمى كيىم كيگەن، ادەمى جىگىت. بۇل نەگە قوقىس جيناپ ءجۇر دەپ ويلادىم؟ راسىمەن تاڭعالاسىڭ عوي. سوسىن بىرەۋ سىرتىنان ۆيدەوعا ءتۇسىرىپ تۇرعان شىعار دەپ ويلادىم. ارزان حايپ قۋالاپ جۇرگەن بىرەۋ بولدى عوي...

ءسويتىپ ايالدامادان الىسىراق بارىپ، ولاي-بۇلاي قاراپ شىقتىم. ۆيدەوعا ءتۇسىرىپ تۇرعان ەشكىم جوق.

سوندا بۇل نە ءۇشىن ادەمى كيىمىمەن مۋسور تازالاپ ءجۇر؟..
قىزىق بولسىن دەپ سىرتىنان ۇزاق باقىلادىم. راسىمەن ازامات ەكەن. مۋسوردىڭ ءبارىن جيناپ، ءتىپتى تەمەكى تۇقىلىنا دەيىن تەرىپ الدى. ءبارىن ءبىر پاكەتكە سالىپ، قوقىس جاشىگىنە تاستادى. سوسىن قولعابىن شەشىپ، قالتاسىنا سالدى دا، اۆتوبۋسقا ءمىنىپ كەتىپ قالدى.

اشەيىندە، ەكوسوفيا دەپ ايتقاندا مايىن تامىزىپ تۇرىپ سويلەيمىن، بىراق ىسكە كەلگەندە وسىلاي جەڭىلەتىنىم بار.

بۇل جىگىتتى ساۋاپ جيناپ ءجۇر دەپ تە ويلامايمىن. سەبەبى كوشەدەگى مۋسوردى تازالاساڭ پالەنباي ساۋاپقا كەنەلەسىڭ دەگەن ۋاعىزدى ءوز باسىم مەشىتتە ەستىگەم جوق. پاتريوت، ۇلتشىل دەپ تە ايتا المايمىن. سەبەبى تۇرىنە قاراساڭ تەگى ورىس سياقتى.

ياعني، ار-ۇياتى مازالاعان شىعار دەپ ءتۇيدىم. سەبەبى ادام ومىردەن ءمان ىزدەگەندە وعان باراتىن جولدى ءاماندا ار-ۇياتى نۇسقاپ تۇرادى. سوندىقتان لوگوتەراپيادا "ادامنىڭ ار-ۇياتى – ءمان تابۋشى ورگان" دەپ اتايدى. ادامزاتقا ورتاق ءماندى دە ادامنىڭ ار-ۇياتى عانا ىزدەپ تابادى.

اتتەڭ، مۇنداي جاعدايدا مەنى دە ار-ۇياتىم مازالايدى. بىراق، كەۋدەڭدە كىسىلىك دەگەن ءبىر قارا كۇش جەرگە يىلىتپەيدى-اۋ، شىركىن، يىلىتپەيدى. ايتپەسە جاقسى ادام بولىپ كەتەر ەدىم. ءبىر جاعىڭنان "مۋسور تەرەتىن قولعابىڭ جوق قوي، بايعۇس-اۋ" دەپ سايتانىڭ دا سىبىرلاپ تۇرادى ەكەن.

ايبەك ءنابيدىڭ الەۋمەتتىك جەلىدەگى جازباسىنان

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525