زاڭ وسىعان دەيىن پرەمەر-مينيستر بوريس دجونسون مەن ەۋرووداق ليدەرلەرى اراسىنداعى كەلىسىمگە نەگىزدەلگەن. بۇل كەلىسىمدى ءالى 29 قاڭتاردا ەۋروپارلامەنت ماقۇلداۋى ءتيىس. ەو ەلدەرىنىڭ كوبى برەكزيتتى قولدامايتىنىن، بىراق قۇجاتقا كەدەرگى كەلتىرمەي ماقۇلدايتىنىن جەتكىزىپ جاتىر.
ۇلىبريتانيا ەو-دان برەكزيت تۋرالى رەفەرەندۋم وتكەن ءۇش جىلدان سوڭ بارىپ كەتىپ جاتىر. برەكزيت مەرزىمى ءۇش رەت كەيىنگە شەگەرىلدى. سەبەبى بريتان پارلامەنتى ەو-مەن كەلىسىمدى ماقۇلداۋدان باس تارتتى. بىلتىر پرەمەر بولعان بوريس دجونسون ەو-مەن جاڭا كەلىسىمگە كەلىپ، مەرزىمىنەن بۇرىن پارلامەنت سايلاۋىن وتكىزۋگە مۇمكىندىك الدى. ناتيجەسىندە كونسەرۆاتورلار جەڭىسكە جەتتى. ولار زاڭ جوباسىن ەش كەدەرگىسىز قولدادى.
بريتانيا ەو-دان شىققاننان كەيىن وتپەلى كەزەڭ باستالىپ، ول 2020 جىلدىڭ 31 جەلتوقسانىنا دەيىن جالعاسادى. وعان دەيىن بريتانيا ەۋروپا ەلدەرىمەن جاڭا ساۋدا كەلىسىمىن جاساۋى ءتيىس.
Abai.kz
