بەيسەنبى, 28 ناۋرىز 2024
3436 4 پىكىر 17 قاڭتار, 2020 ساعات 12:33

ابايدى كونچالوۆسكي تۇسىرەدى دەگەن اقپارات جالعان

جۋىردا پرەزيدەنت قاسىم-جومارت توقاەۆ اباي قۇنانبايۇلىنىڭ 175 جىلدىق مەرەيتويىنا وراي اقىن تۋرالى فيلم تۇسىرىلەتىنىن ايتتى. ال، اتالعان ءفيلمدى رەسەيلىك رەجيسسەر ي.كونچالوۆسكي تۇسىرەدى دەگەن اقپارات شىققان ەدى. بۇل پىكىرگە وتاندىق رەجيسسەرلار قارسىلىق ءبىلدىرىپ، سۇحبات بەرگەن بولاتىن.

ال، بۇگىن ەلوردادا وتكەن ءباسپاسوز كونفەرەنتسياسىندا مادەنيەت جانە سپورت ۆيتسە-ءمينيسترى نۇرعيسا داۋەشوۆ جۋرناليستەردىڭ اتالعان ماسەلە بويىنشا سۇراقتارىنا جاۋاپ بەردى. ۆيتسە-ءمينيستردىڭ ايتۋىنشا، ابايدى كونچالوۆسكي تۇسىرەدى دەگەن اقپارات جالعان. سەبەبى، مينيسترلىك پەن رەجيسسەر اراسىندا ەشقانداي كەلىسىمشارت جاسالىپ، كەلسسوز جۇرگىزىلمەگەن.

نۇرعيسا داۋەشوۆ، قر مادەنيەت جانە سپورت ۆيتسە-ءمينيسترى:

-كونچالوۆسكيدىڭ اباي-وپەرا ءفيلمىن تۇسىرەدى دەگەن اقپارات شىقتى. دەگەنمەن، مادەنيەت جانە سپورت مينيسترلىگى تاراپىنان ول رەجيسسەرمەن ەشقانداي كەلىسىمشارت نەمەسە كەلىسسوزدەر جۇرگىزىلگەن جوق. قازىرگى تاڭدا بۇل اقپارات جالعان. شىعارماشىلىق ادام رەتىندە كونچالوۆسكي، باسقا دا شەت ەلدىك ۇجىمدار ءبىزدىڭ "ۇلتتىق كينونى قولداۋ مەملەكەتتىك ورتالىعىنا" وزدەرىنىڭ ستسەناريلەرىن بەرۋگە تولىق قۇقىلى. ونى سول جەردەگى ساراپتاما كەڭەسى قابىلدايتىن بولادى. قازىرگى تاڭدا باسقا كوركەم فيلمدەرگە قاتىستى ۇسىنىستار قابىلداپ جاتىرمىز. دەگەنمەن، ابايدىڭ فيلوسوفياسىن اشۋ ءۇشىن، دانىشپادىعىن اشۋ ءۇشىن فيلم ءبىر جىلدا تۇسىرىلەدى دەگەن ءسوز ەمەس. بۇعان اسىقپاي، ۇلكەن ىجداھاتتىلىقپەن ، تالعاممەن كەلەدى دەگەن الدىمىزعا ماقسات قويىپ وتىرمىز. ال، دەرەكتى فيلمدەرگە قاتىستى قازىر ۇسىنىستار قابىلدانىپ جاتىر. ونىڭ ءبارى (دەرەكتى فيلم بولعاننان كەيىن) ءبىر جىلدا ءبىتىرۋ جوسپارلانۋدا.

ايتا كەتەيىك، بيىل مەملەكەت باسشىسىنىڭ شەشىمىمەن قازاقتىڭ باس اقىنى اباي قۇنانبايۇلىنىڭ 175 جىلدىق مەرەيتويى كەڭ كولەمدە اتاپ وتىلەدى. مەرەيتوي اياسىندا ەلىمىزدە 500 دەن استام ءىس-شارا بولادى دەپ جوسپارلانعان. ال، اقىننىڭ مەرەيتويىن وتكىزۋ ءۇشىن بيۋدجەتتەن 3 ميلليارد تەڭگە بولىنبەك.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3499