بەيسەنبى, 24 قىركۇيەك 2020
COVID-19 قازاقستاندا. جۇقتىرعاندار — 107529. جازىلعاندار — 102323. قايتىس بولعاندار — 1699
46 - ءسوز 2042 2 پىكىر 16 قاڭتار, 2020 ساعات 11:23

قور بولعان بيۋدجەت اقشاسى!

الەۋمەتتىك جەلىلەردىڭ بىرىندە تەلەجۋرناليست نۇرگۇل احمەتوۆانىڭ سقو ەسىل اۋدانىنىڭ زاگرادوۆكا اۋىلىنا باراتىن اۆتوجولداعى 5 كيلومەتر ۋچاسكەنى جوندەۋ ءۇشىن 340 ميلليون تەڭگە بولىنگەنىن جانە وعان 50-دەن استام بەلگى قويىلۋعا ءتيىس بولعانىن، الايدا ءىس جۇزىندە جۇمىس ساپاسى سىن كوتەرمەيتىنىن ەستىپ،  "Nur Oran" پارتياسى وبلىستىق فيليالى پارتيالىق باقىلاۋ كوميسسياسىنىڭ مۇشەلەرىمەن بىرگە تەكسەرىس جاسادىق.

وبلىستىق ءماسليحاتتىڭ دەپۋتاتى، زاگرادوۆكاداعى ءىرى شارۋاشىلىقتىڭ باسشىسى يۋري شول دا كەلىپ، جوندەۋ جاسالعان جولدىڭ جاعدايى ءماز ەمەستىگىن ايتتى.

ءبىز دە ءوز كوزىمىزبەن كوردىك: 50-دەن استام جول بەلگىسىن كورە المادىق. اۋداندىق اكىمدىكتىڭ وكىلى بەتى بۇلك ەتپەي، ونداي بەلگىلەردىڭ ءبارى ورناتىلعانىن، الايدا بىرەۋلەر جۋىردا ۇرلاپ اكەتكەنىن مالىمدەدى. سەنەسىڭ بە، سەنبەيسىڭ بە؟! ەكى اي بۇرىن عانا پايدالانۋعا بەرىلگەن جولدىڭ ءار تۇستا ويدىمى شىعىپ جاتىر ەكەن.

قور بولعان قايران بيۋدجەت اقشاسى!
بۇل ماسەلەمەن قازىر سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ جەرگىلىكتى دەپارتامەنتى اينالىسىپ جاتقان كورىنەدى.

مەنىڭ ەندىگى مىندەتىم - وسى جولدىڭ " جىرىن" ءوز باقىلاۋىما الۋ جانە اليك شپەكباەۆ مىرزاعا ءتيىستى حات جازىپ، ءادىل دە تەرەڭ تەكسەرىس جۇرگىزۋدى سۇراۋ.

كارىباي مۇسىرماننىڭ الەۋمەتتىك جەلىدەگى جازباسىنان

Abai.kz

2 پىكىر