جۇما, 29 ناۋرىز 2024
پىكىر 3023 4 پىكىر 13 قاڭتار, 2020 ساعات 10:22

پرەزيدەنت ماقالاسىنداعى نەگىزگى يدەيالار الدىمەن جاستارىمىزعا باعىتتالعان

قر پرەزيدەنتى قازاقتىڭ ۇلى اقىنى، ويشىل-فيلوسوفى، قوعام قايراتكەرى اباي قۇنانباەۆتىڭ 175 جىلدىق مەرەيتويىنا ارنالعان "اباي جانە ءححى عاسىرداعى قازاقستان" اتتى ماقالاسىندا قازاقستان حالقىن ۇلى ابايدىڭ مۇرالارى مەن ەڭبەكتەرىن قايتا زەردەلەۋ، پاراسات-پايىمىن قاجەتىمىزگە جاراتۋعا شاقىرا وتىرىپ، قازاق قوعامىن دامىتۋدىڭ الداعى جۇزجىلدىقتاعى ماڭىزدى باسىمدىقتاردى ايقىنداپ بەردى.

ۇلان-عايىر جەر مەن باي تابيعي رەسۋرستاردى يەلەنگەن قازاقستان دامۋدىڭ جارقىن بولاشاعىنا يە. بىراق، ونى يەگرۋ ءۇشىن ەلىمىزگە ساپالى دامىعان ادام كاپيتالى قاجەت. بۇل جونىندە كەزىندە اباي ءدوپ باسىپ ايتقان. قوعامنىڭ ينتەللەكتۋالدى قۋاتىن قالىپتاستىرۋ مەن ارتتىرۋ، ادام كاپيتالى يدەياسىن دامىتۋدى پرەزيدەنتتىڭ ءوز ماقالاسىنا ارقاۋ ەتىپ الۋى كەزدەيسوقتىق ەمەس. ۇلى ويشىل ەڭبەكتەرىندە عىلىم مەن بىلىمگە اسا ءمان بەرۋى - دامۋدىڭ نەگىزى وسىلار ەكەندىگىن تۇيسىنگەندىگىندە. وسىنى ۇعىنا وتىرىپ ءبىزدىڭ پرەزيدەنتىمىز ق.ك.توقاەۆ ءبىلىم جۇيەسىن مودەرنيزاتسيالاۋ رەفورماسىن قولعا الدى.

بۇگىندە بۇل تەك ءسوز جۇزىندە عانا ەمەس ناقتى قادامدارعا، ۇلتتىق ءبىلىم بەرۋ ءىسى مەن وتاندىق عىلىمدى قولداۋ مەن دامىتۋعا باعىتتالعان شىنايى باعدارلامالاردىڭ جۇزەگە اسۋىنا سەپ بولىپ وتىر. ناتيجەسىندە وتكەن جىلى باكالاۆريات پەن ماگيستراتۋراعا بولىنەتىن مەملەكەتتىك گرانتتىڭ ۇلەسى ارتسا، ونىڭ ىشىندە تەحنيكالىق، اگرارلىق جانە اقپاراتتىق تەحنولوگيالار ماماندىعىنا گرانتتار سانى كوبەيدى. بيىلعى وقۋ جىلىنان باستاپ بولىنگەن مەملەكەتتىك گارانتتىڭ قۇنى 349-دان 778 مىڭ تەڭگەگە دەيىن ءوستى، ءوز كەزەگىندە بۇل جوو-نىڭ ماتەريالدىق بازاسىنىڭ جاقسارۋىنا جانە كادرلاردى دايىنداۋ ساپاسىنىڭ جوعارلاۋىنا اكەلدى. 2025 جىلى مەملەكەت عىلىمي زەرتتەۋلەردى قارجىلاندىرۋدى 10 ەسەگە ارتتىرۋدى كوزدەپ وتىر!. ناتيجەسىندە وتاندىق عالىمداردىڭ عىلىممەن الاڭسىز اينالىسۋىنا جانە ەلىمىزدە بىلىكتىلىگى جوعارى كادرلاردى دايىنداۋعا داڭعىل جول اشىلاتىنى ءسوزسىز.

ءبىز مەملەكەت بەرىپ وتىرعان بار مۇمكىندىكتەردى تولىعىمەن پايدالانۋىمىز كەرەك.

ايتا كەتەرلىگى، پرەزيدەنت ماقالاسىنداعى كوتەرىلگەن يدەيالار الدىمەن ءبىزدىڭ جاستارىمىزعا باعىتتالعان. ماقالادا ابايدىڭ "تولىق ادام" تۇجىرىمىن جانە ونىڭ تۇلعانىڭ قالىپتاسۋ يدەياسىن نەگىزگە الا وتىرىپ پرەزيدەنت جاس ۇرپاقتىڭ الدىنا ماڭىزدى مىندەتتەر قويدى، ياعني ءبىلىمدى، مادينەتتى، زيالى، ادامگەرشىلىگى جوعارى ادام بولىپ قالىپتاسۋ. تەك وسىنداي ادام عانا مەملەكەتتىڭ، قوعامدىق بولماسا وتباسىلىق-تۇرمىستىق ءومىردىڭ ىرگەلى قورعانى بولا الادى. بۇل تۇرعىدا جوعارعى وقۋ ورىندارى ۇستازدارىنىڭ مىندەتى ستۋدەنتتەردى ءوزىن-ءوزى جەتىلدىرۋگە تالپىنۋ، سونىمەن بىرگە جاھاندانۋ جاعدايىندا رۋحاني-ادامگەرشىلىك قۇندىلىقتاردان ايرىلماۋ سىندى ۇلى ابايدىڭ ومىرلىك ۇستانىمدارىن باسشىلىققا الا وتىرىپ تاربيەلەۋ.

اقىلبەك كۇرىشباەۆ،
اۋىل شارۋاشىلىعى عىلىمدارىنىڭ دوكتورى، پروفەسسور،
«س.سەيفۋللين اتىنداعى قازاق اگروتەحنيكالىق ۋنيۆەرسيتەتى» اق باسقارما توراعاسى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621