جۇما, 29 مامىر 2020
COVID-19 قازاقستاندا. جۇقتىرعاندار — 9932. جازىلعاندار — 4900. قايتىس بولعاندار — 37
956 1 پىكىر 31 جەلتوقسان, 2019 ساعات 19:55

وبلىس اكىمى پاتەر كىلتىن تابىستادى

كەشە قىزىلوردا وبلىسىنىڭ اكىمى ق.ىسقاقوۆ قالاداعى بىرقاتار نىسانداردى ارالاپ، جاڭا جىل مەرەكەسىمەن قۇتتىقتادى. سونىمەن قاتار، ايماق باسشىسى "اتامەكەن" بالالار اۋىلىنىڭ ەكى تاربيەلەنۋشىسى ماريام اۋەزحانوۆا مەن ليۋبوۆ نەجەلوۆانىڭ تۇرعىن ءۇي الۋ كەزەگى كەلۋىنە وراي جاڭا پاتەر كىلتتەرىن تابىستادى.

ايماق باسشىسى قۋانىشبەك دوسمايىلۇلى بالالارعا ارنالعان الەۋمەتتىك قىزمەتتەر كورسەتۋ ورتالىعىنىڭ جۇمىسىمەن تانىسىپ، بۇلدىرشىندەرگە ارنالعان ەرتەڭگىلىككە قاتىستى. سونداي-اق، "اتامەكەن" وتباسى ۇلگىسىندەگى بالالار اۋىلىنىڭ تاربيەلەنۋشىلەرىمەن كەزدەستى. بالالار اۋىلىندا  "روبوتوتەحنيكا", "مەديا كلۋب", "شاعىن تىگىن شەبەرحاناسى", "بالالار جانە قولونەر بولمەسى" جانە "ارت ستۋدياسى" كابينەتتەرى اشىلعان. ماقساتى بالالاردىڭ بوس ۋاقىتىن ءتيىمدى وتكىزۋ. سونىمەن بىرگە، سپورتپەن تۇراقتى شۇعىلدانۋ ءۇشىن "مۇز ايدىنى", "ەۆرازيا", "تارلان" سپورت كەشەندەرى مەن "وقۋشىلار سارايىنداعى" ۇيىرمەلەرگە تەگىن قاتىسۋعا جولدامالار قاراستىرىلعان.  

بالالارمەن كەزدەسۋدە وبلىس اكىمى ق.ىسقاقوۆ "اتامەكەن" وتباسى ۇلگىسىندەگى بالالار اۋىلى تۇرعىندارىنىڭ بىرقاتار جەتىستىكتەرىنە توقتالىپ، جاڭا جىل مەرەكەسىمەن قۇتتىقتادى.

"1 ماۋسىم – حالىقارالىق بالالار كۇنىنە وراي سابانكۋلوۆا رانو مەن نىشانوۆا نۇرشات پرەزيدەنت قاسىم-جومارت كەمەلۇلى توقاەۆتىڭ قابىلداۋىندا بولىپ، باتاسىن الىپ قايتتى. بۇل – سىزدەر ءۇشىن دە، ءبارىمىز ءۇشىن دە ۇلكەن قۇرمەت دەپ بىلەمىن. جاقىندا عانا ستۋپنوۆسكي رومان وبلىس اكىمىنىڭ «سىر ءۇمىتى» جاستار سىيلىعىن الدى.  تاعى ءبىر دوستارىڭىز تاستىباي ەرحان رەسپۋبليكالىق «روبوتوتەحنيكا» سايىسىنان ءبىرىنشى ورىن يەلەندى. وسىنداي جەتىستىكتەرىڭىزگە ءبىز دە قۋانامىز جانە سىر ءوڭىرىن وركەندەتۋگە قوسىپ وتىرعان ۇلەستەرىڭىز دەپ بىلەمىز. ارقاشان بيىكتەردەن كورىنىپ، ءبىلىمدى ۇرپاق بولىپ وسىڭىزدەر دەپ تىلەيمىن",- دەدى وبلىس اكىمى ق.ىسقاقوۆ.

مۇنان سوڭ، جاڭا جىل قارساڭىندا وبلىس اكىمى ق.ىسقاقوۆ قارتتار ۇيىندەگى ارداگەرلەرمەن كەزدەسىپ، جاڭا جىل مەرەكەسىمەن قۇتتىقتادى جانە 2020 جىلى ورتالىققا "گازەل" اۆتوكولىگىن الۋعا قارجى بولىنگەندىگىن ايتتى.

"2020 جىلى دا سىزدەردىڭ اق باتالارىڭىزبەن، العاۋسىز تىلەكتەرىڭىزبەن ويعا العان جوسپارلارىمىزدى جۇزەگە اسىرىپ، جەتىستىكتەرىمىزدى ەسەلەي تۇسەمىز دەپ سەنەمىن. سىزدەر ارقاشان مەملەكەت نازارىنان تىس قالمايسىزدار. ءاردايىم جاعدايلارىڭىز جاقسى بولۋى  بارلىعىن جاسايتىن بولامىز.",- دەدى ايماق باسشىسى.

Abai.kz

1 پىكىر