جۇما, 29 ناۋرىز 2024
3427 3 پىكىر 30 جەلتوقسان, 2019 ساعات 10:02

ۋكراينا مەن رەسەيشىل سەپاراتيستەر اراسىندا تۇتقىن الماسۋ اياقتالدى

ۋكراينا بيلىگى مەن ەلدىڭ شىعىسىنداعى رەسەيشىل سەپاراتيستەر اراسىندا تۇتقىن الماسۋ ءجۇردى.

تۇتقىن الماسۋ 29 جەلتوقساندا دونەتسك وبلىسى تۇبىندەگى "مايورسك" وتكىزۋ بەكەتىندە ءوتتى. جەكسەنبى كۇنى كەشكىسىن كيەۆكە قايتارىلعان ادامدار بار ۇشاق بوريسپول اۋەجايىنا قوندى. ولاردى ۋكراينا پرەزيدەنتى ۆلاديمير زەلەنسكيدىڭ ءوزى كۇتىپ الدى.

ۋكراينا پرەزيدەنتىنىڭ ءباسپاسوز قىزمەتى كۇندىز "دحر" جانە لحر" وكىلدەرىمەن تۇتقىن الماسۋ پروتسەسىنىڭ سۋرەتىن جاريالادى. مالىمدەمەدە كيەۆكە 76 ادام بەرىلگەنى ايتىلعان. ۋكراينا قاۋىپسىزدىك قىزمەتىنىڭ مالىمەتىنشە، ولاردىڭ 12-ءسى اسكەري، قالعاندارى بەيبىت تۇرعىندار.

ۋكراينا بولسا سەپاراتيستەرگە 127 ادام قايتارعان.

ازاتتىقتىڭ ۋكراين قىزمەتى جۋرناليست ستانيسلاۆ اسەەۆتىڭ دە بوساتىلعانىن حابارلادى. ول سەپاراتيستەر باقىلايتىن اۋماقتاعى تۇرعىندار تىرشىلىگىنەن حابار تاراتىپ كەلگەن. ونى 2017 جىلى تىڭشىلىق جاسادى دەگەن ايىپپەن ۇستاپ، 15 جىلعا سوتتاعان.

كيەۆكە سونىمەن بىرگە ۋكراينا تۇتاستىعىن قولداپ، ۇستالعان بەلسەندىلەر دە قايتارىلدى. ولاردىڭ اراسىندا بلوگەر ولەگ گالازيۋك، ولەنا سوروكينا جانە ۆيكتوريا ۆورونينا دا بار.

29 جەلتوقساندا بولعان تۇتقىن الماسۋدى گەرمانيا، ليتۆا، رەسەي، سلوۆاكيا، قۇراما شتاتتار مەن فرانتسيا قۇپتادى.

ازات ەۋروپا /ازاتتىق راديوسىنىڭ پرەزيدەنتى دجەيمي فلاي 29 قاراشادا ۋكراينا پرەزيدەنتىمەن جەكە كەزدەسۋىندە اسەەۆ پەن گالازيۋكتى بوساتۋعا شاقىرعان.

ء"بىز ستاس پەن ولەگتىڭ بوساتىلعانىنا قۋانىشتىمىز. ولاردى قىلمىس جاساعانى ءۇشىن ەمەس، رەسەي اننەكتسياسى جايىندا شىندىقتى اشىق ايتقانى ءۇشىن سىرتقى الەممەن بايلانىسسىز ەكى جارىم جىل بويى ۇستاپ وتىردى", – دەدى ول.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610