قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي سەرىكباي قاجى وراز الماتى ماڭىندا ۇشاق اپاتىنان قازا تاپقان ازاماتتاردىڭ وتباسىنا كوڭىل ايتتى.

«الماتى حالىقارالىق اۋەجايى ماڭىندا بولعان قايعىلى حاباردى اۋىر كۇيزەلىسپەن قابىلدادىم. ءوزىمنىڭ جانە قازاقستان مۇسىلماندارى ءدىني باسقارماسى ۇجىمى اتىنان سىزدەرگە، اعايىن-تۋىستارىڭىزعا، بارشا حالىققا كوڭىل ايتامىن. قايعىلى جاعداي ءبىزدىڭ دە جانىمىزعا باتتى، جۇرەگىمىزدى اۋىرتتى.

جاراتۋشى يەمىز مارقۇمداردى ءوز مەيىرىمىنە بولەسىن دەپ تىلەيمىز. جاراقات العان جاندارعا جاراتقاننان شيپا سۇرايمىز. اللا تاعالا ەلىمىزدى، جەرىمىزدى توسىننان كەلەتىن ءتۇرلى اپاتتان ساقتاسىن. ەل امان، جۇرت تىنىش بولعاي. ءامين!» دەلىنگەن باس ءمۇفتيدىڭ كوڭىل ايتۋ جەدەلحاتىندا.

ايتا كەتەيىك، بۇگىىن تاڭدا الماتىدان نۇر-سۇلتانعا باعىت العان Bek Air اۋە كومپانياسىنا تيەسىلى Fokker-100 ۇشاعى اپاتقا ۇشىرادى.

Abai.kz