سارسەنبى, 5 تامىز 2020
COVID-19 قازاقستاندا. جۇقتىرعاندار — 94882. جازىلعاندار — 67031. قايتىس بولعاندار — 1058
دابىل 3386 20 پىكىر 27 جەلتوقسان, 2019 ساعات 10:47

ۇشاق اپاتىنان قازا تاپقانداردىڭ ءتىزىمى جاريالاندى

بۇگىن تاڭەرتەڭ Bek Air اۋە كومپانياسىنىڭ الماتى - نۇر-سۇلتان باعىتىنداعى 2100-رەيسى الماتى قالاسى ماڭىندا، تالعار اۋدانىنا قاراستى المەرەك اۋىلىندا اپاتقا ۇشىرادى. بورتتا 95 جولاۋشى جانە ەكيپاجدىڭ بەس مۇشەسى بولعان. 

قازىر قازا بولعان ادامداردىڭ اتى-جوندەرى انىقتالۋدا.

وسىعان دەيىن الەۋمەتتىك جەلىگە دەنساۋلىق ساقتاۋ مينيسترلىگىنىڭ مالىمەتى تاراعان ەدى. 27 جەلتوقسان، ساعات 09:20-داعى اقپارات بويىنشا اپاتتان 12 ادام قازا تاۋىپ، 12 ادام زارداپ شەككەن دەپ كورسەتىلگەن. جاراقات العانداردىڭ تورتەۋى بالالار.

ال "تengrinews.kz" سايتى الماتى اكىمدىگىنىڭ ءباسپاسوز قىزمەتىنىڭ مالىمەتىن جاريالادى. وندا قازا تاپقاندار سانى 14 ادام دەپ كورسەتىلگەن.

"الماتىداعى كوپپروفيلدى كلينيكالىق اۋرۋحاناعا 5 ادام جەتكىزىلگەن. جاعدايلارى اۋىر. ال شۇعىل مەديتسينالىق جاردەمنىڭ بالالار ورتالىعىنا 8 بالا، اججا-عا (بسنپ) 5 ەرەسەك ادام جەتكىزىلگەن. ولار سىنىق جاراقاتتارىن العان. № 4 قكا-عا 17 ادام جەتكىزىلگەن. جاعدايى اۋىر. ال وقيعا ورنىندا قازا تاپقانداردىڭ سانى 14", دەلىنگەن اقپاراتتا.

قازىرگى ۋاقىتتا قايتىس بولعان جەتى ادامنىڭ جەكە تۇلعاسى (كىم ەكەندەرى) انىقتالدى.

ولار:

1. استانوۆ نيكولوي 1971 جىلعى

2. حايداروۆ ر. 1940 جىلعى

3. كاليەۆ باۋرجان 1974 جىلعى

4. كاريباەۆ بازارحان 1974 جىلعى

5. مۋراتباەۆ مارات 1961 جىلعى

6. نۋرباەۆ اباي 1982 جىلعى

7. يسينا ا.

سونداي-اق، ءتۇرلى دەنە جاراقاتتارىن العان ازاماتتاردىڭ دا ءتىزىمى جاريا بولدى.

Abai.kz

20 پىكىر