بەيسەنبى, 28 ناۋرىز 2024
اپات 3838 1 پىكىر 27 جەلتوقسان, 2019 ساعات 10:04

الماتى ماڭىندا جولاۋشىلار ۇشاعى قۇلادى

بۇگىن Bek Air اۋە كومپانياسىنىڭ ساعات 07:05-دە ۇشىپ شىققان الماتى - نۇر-سۇلتان باعىتىنداعى 2100-رەيسى الماتى قالاسى ماڭىندا اپاتقا ۇشىرادى. بورتتا 95 جولاۋشى جانە ەكيپاجدىڭ بەس مۇشەسى بولعان. 

اتالعان اۋە اپاتى تۋرالى يندۋستريا جانە ينفراقۇرىلىمدىق دامۋ مينيسترلىگى مالىمدەمە جاسادى.

- 2019 جىلى 27 جەلتوقساندا ساعات 07:22-دە Bek Air اۋە كومپانياسىنىڭ № Z2100 الماتى - نۇر-سۇلتان باعىتىنداعى رەيسى اۋەگە كوتەرىلۋ كەزىندە بيىكتىكتى جوعالتىپ، بەتون قورشاۋىنا سوعىلعان. ناتيجەسىندە ەكى قاباتتى عيماراتپەن سوقتىعىسقان. بىردەن قۇتقارۋ جۇمىستارى باستالدى، ءورت شىققان جوق. اۋە كەمەسىنىڭ جولاۋشىلارى مەن ەكيپاجى ەۆاكۋاتسيالانىپ جاتىر. قازا تاپقانداردىڭ سانى - 7. پرەمەر-ءمينيستردىڭ تاپسىرماسىمەن ۇكىمەت كوميسسياسى قۇرىلدى، ونى ۆيتسە-پرەمەر باسقارادى. كوميسسيا قۇرامىنا يندۋستريا جانە ينفراقۇرىلىمدى دامىتۋ ءمينيسترى جانە باسقا مەملەكەتتىك ورگانداردىڭ وكىلدەرى كىرەدى. كوميسسيا وقيعا ورنىنا بارادى. وقيعانىڭ ناقتى ءمان-جايى مەن سەبەپتەرى انىقتالادى. اپات جاعدايلارى انىقتالعانعا دەيىن وسى تيپتەگى اۋە رەيستەرى ۋاقىتشا توقتاتىلادى. الدىن الا مالىمەتتەر بويىنشا، بورتتا 95 جولاۋشى، ەكيپاجدىڭ 5 مۇشەسى بولعان، - دەلىنگەن حابارلامادا.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3519