دۇيسەنبى, 26 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
بىلگەنگە مارجان 4047 2 پىكىر 26 جەلتوقسان, 2019 ساعات 10:51

باستاپقى مەديتسينالىق-سانيتارلىق كومەك قانشا تۇرادى؟

2020 جىلدىڭ 1 قاڭتارىنان باستاپ قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى ەنگىزىلەدى.

وسىعان وراي دەنساۋلىق ساقتاۋ مينيسترلىگى جۇيەنى اتالمىش پروتسەسكە دايىنداۋ بويىنشا اۋقىمدى جۇمىستار جۇرگىزدى، ونىڭ ىشىندە حالىققا مەديتسينالىق كومەك كورسەتۋ بويىنشا نورماتيۆتىك-قۇقىقتىق اكتىلەر جەتىلدىرىلدى. وسىلايشا، حالىق تەگىن مەديتسينالىق كومەكتىڭ كەپىلدەندىرىلگەن كولەمى اياسىندا دا، مىندەتتى الەۋمەتتىك مەديتسينالىق ساقتاندىرۋ جۇيەسىندە دە ساپالى جانە قول جەتىمدى مەديتسينالىق كومەك الادى. سونىمەن قاتار قازاقستاندا ەرىكتى مەديتسينالىق ساقتاندىرۋ جۇيەسى دە ءوز جۇمىسىن جالعاستىرا بەرەتىن بولادى.

الەۋمەتتىك مەديتسينالىق ساقتاندىرۋ قورى مەديتسينالىق كومەكتىڭ كەپىلدەندىرىلگەن كولەمى شەڭبەرىندە جانە مىندەتتى مەديتسينالىق ساقتاندىرۋ جۇيەسىندە حالىققا مەديتسينالىق كومەك كورسەتۋدىڭ بيزنەس-پروتسەستەرىنىڭ توپتاماسىن جاسادى.

سونىڭ ەڭ باستىسى – حالىققا باستاپقى مەديتسينالىق كومەك كورسەتۋ. ولاي دەيتىنىمىز، باسى اۋىرىپ، بالتىرى سىزداعان ادام الدىمەن ەمحاناعا بارادى. سوندىقتان دا ونى مەديتسينانىڭ №1 پوستى دەپ اتاۋعا ابدەن بولادى.  

باستاپقى مەديتسينالىق-سانيتاريالىق كومەك تەگىن مەديتسينالىق كومەكتىڭ كەپىلدەندىرىلگەن كولەمىنىڭ شەڭبەرىندە كورسەتىلەدى، وعان ۋچاسكەلىك دارىگەرلەر، پەدياترلار، جالپى پراكتيكا دارىگەرلەرى، فەلدشەرلەر، اكۋشەرلەر، الەۋمەتتىك قىزمەتكەرلەر، پسيحولوگتار مەن مەدبيكەلەر كورسەتەتىن مەديتسينالىق كومەككە دەيىنگى، بىلىكتى جانە مەديتسينالىق-الەۋمەتتىك كومەك كىرەدى.

حالىققا باستاپقى مەديتسينالىق كومەك الدىن الا جازىلۋ نەمەسە جۇگىنۋ بويىنشا بەكىتىلگەن جەرىندە جوسپارلى تۇردە، سونداي-اق شۇعىل مەديتسينالىق كومەك كورسەتۋ جاعدايىندا بەكىتىلۋ فاكتىسىنە قاراماستان جەدەل تارتىپتە كورسەتىلۋى مۇمكىن.

ادامدار نەگىزىنەن سىرقات، جاراقات، الدىن-الۋ، ديناميكالىق باقىلاۋ، مەديتسينالىق-الەۋمەتتىك قىزمەتتەر جانە اكىمشىلىك ءوتىنىش سياقتى 6 سەبەپ بويىنشا جۇگىنەدى.

العاش رەت تىركەۋ بولىمىنە جۇگىنگەندە امبۋلاتوريالىق سىرقاتتىڭ مەديتسينالىق كارتاسى، بالانىڭ جەتىلۋ تاريحى نەمەسە دەنساۋلىق ساقتاۋدىڭ ەلەكتروندى تولقۇجاتى، ونىڭ ىشىندە اقپاراتتىق جۇيەلەردە پاتسيەنتتىڭ ساقتاندىرۋ مارتەبەسى مەن قارجىلاندىرۋ كوزىنىڭ  كورسەتىلۋى راسىمدەلەدى.

ەگەر جۇگىنۋ كەزىنە دەيىن ناۋقاس قاجەتتى سكرينينگتىك تەكسەرۋدەن وتپەگەن بولسا، وندا ول سكرينينگتىك كابينەتكە تەكسەرۋدەن ءوتۋى ءۇشىن جىبەرىلەدى. ەگەر پاتسيەنت جۇگىنۋ كەزىندە سكرينينگتىك تەكسەرۋدەن وتكەن بولسا، وندا ول دارىگەرگە دەيىنگى مەديتسينالىق كومەكتىڭ قاجەتتى كولەمىن الۋعا جىبەرىلەدى.

سودان كەيىن پاتسيەنت كلينيكالىق حاتتامالارعا سايكەس جانە مەديتسينالىق اقپاراتتىق جۇيەلەردە تىركەلۋ ارقىلى دياگنوز، زەرتتەۋ جانە ەمدەۋ ادىستەرىن انىقتايتىن جەرگىلىكتى تەراپەۆتكە، پەدياترعا نەمەسە جالپى پراكتيكا دارىگەرىنە جىبەرىلەدى.

سونىمەن قاتار، دارىگەر ناۋقاستىڭ دياگنوزىن، وعان قوسا مامانداندىرىلعان كومەككە قاجەتتىلىگىن ناقتىلاۋ ءۇشىن سالالىق مامانعا كەڭەس الۋ ءۇشىن زەرتحانالىق نەمەسە دياگنوستيكالىق قىزمەتكە مەديتسينالىق اقپاراتتىق جۇيەدە ءتيىستى جولداما جاساۋ ارقىلى جىبەرە الادى. ودان ءارى ناۋقاسقا كەلەسى مەديتسينالىق كومەك كورسەتىلۋى مۇمكىن:

1) دارىلىك زاتتاردى تاعايىنداۋدى قوسا العاندا، امبۋلاتوريالىق دەڭگەيدەگى كومەك;

2) ديناميكالىق بايقاۋعا جاتاتىن اۋرۋلاردىڭ تىزبەسى بويىنشا ديناميكالىق بايقاۋ شەڭبەرىندەگى كومەك;

3) امبۋلاتوريالىق ەم ءتيىمسىز بولعان جاعدايدا  كونسۋلتاتسيالىق-دياگنوستيكالىق كومەك شەڭبەرىندە;

4) جوسپارلى تۇردە مەديتسينالىق اقپارات جۇيەسىنە جولدامانى تىركەۋ جانە ستاتسيونارلىق ناۋقاستاردىڭ ەلەكتروندى رەگيسترىنا  بىرىكتىرۋ ارقىلى باستاپقى مەديتسينالىق-سانيتارلىق كومەك كۇندىزگى ستاتسيونارىنىڭ دەڭگەيىندە نەمەسە ۇيدە;

5) جوسپارلى تارتىپپەن اۋرۋحاناعا جاتقىزۋ بيۋروسىنىڭ اقپاراتتىق جۇيەسىنە جولدامانى تىركەۋ ارقىلى تاۋلىك بويعى اۋرۋحانا دەڭگەيىندە;

6) دارىستەر مەن ترەنينگتەر تۇرىندە جەكە كەڭەس بەرۋ، ەرلى-زايىپتىلارعا كەڭەس بەرۋ نەمەسە توپتىق جۇمىس تۇرىندە جاستار دەنساۋلىق ورتالىقتارىندا;

7) مەديتسينالىق-الەۋمەتتىك كومەك (پسيحولوگتىڭ نەمەسە الەۋمەتتىك قىزمەتكەردىڭ قىزمەتتەرى).

مەديتسينالىق كومەكتىڭ كولەمىن العاننان كەيىن قايتا قابىلداۋدىڭ  قاجەتتىلىگى انىقتالادى، ەگەر قاجەت بولسا، پاتسيەنت دارىگەردىڭ ەكىنشى قابىلداۋىنا جازىلۋى مۇمكىن.

  ەندى حالىققا توتەنشە جاعدايدا باستاپقى مەديتسينالىق كومەك كورسەتۋ  بيزنەس-پروتسەسىنە توقتالا كەتسەك...

پاتسيەنت شۇعىل ەمدەۋگە  جۇگىنگەن كەزدە باستاپقى مەديتسينالىق-سانيتارلىق كومەك كورسەتۋشى قىزمەتكەر ناۋقاستىڭ جاي-كۇيىنە باعالاۋ جۇرگىزەدى، سونىڭ نەگىزىندە پاتسيەنتكە:

1) دارىگەردىڭ قاتىسۋىن قاجەت ەتپەيتىن مەديتسينالىق قىزمەتتەردىڭ تىزىمىنە سايكەس سىرقات بولعان كەزدە نەمەسە سونداي جاعدايدا، شۇعىل كومەك امبۋلاتورلىق سىرقاتتىڭ مەديتسينالىق كىتاپشاسىندا جانە مەديتسينالىق اقپاراتتىق جۇيەدە تىركەلىپ، بمسك فيلتر بولمەسىندە كورسەتىلەدى.

2) ومىرگە قاۋىپتى جاعدايلار تۋىنداعان كەزدە جەدەل جاردەم ستانتسياسىنا قوڭىراۋ شالىنادى، وندا ديسپەتچەر جەدەل قىزمەت ساناتتارى بويىنشا قوڭىراۋلاردى سۇرىپتايدى.

1, 2 جانە 3 ساناتتاعى شۇعىل شاقىرۋلار تۇسكەن كەزدە جەدەل مەديتسينالىق جاردەم ديسپەتچەرى قوڭىراۋدى اۆتوماتتاندىرىلعان باسقارۋ جۇيەسى ارقىلى جەدەل مەديتسينالىق كومەك فەلدشەرى مەن مامانداندىرىلعان بريگادالارعا جىبەرەدى.

4-ءشى ساناتتاعى شۇعىل شاقىرۋلار تۇسكەن كەزدە، باستاپقى مەديتسينالىق-سانيتارلىق كومەك ديسپەتچەرى اۆتوماتتاندىرىلعان باسقارۋ جۇيەسى ارقىلى قوڭىراۋدى باستاپقى مەديتسينالىق-سانيتارلىق كومەك كورسەتۋ جانىنداعى جەدەل مەديتسينالىق جاردەم بولىمشەسىنىڭ بريگاداسىنا جىبەرەدى.

باستاپقى مەديتسينالىق-سانيتارلىق كومەك كورسەتۋ بولىمشەسىنىڭ بريگادالارى تاۋلىك بويى تىركەلگەن حالىققا جانە بمسك كورسەتۋ ايماعىندا تۇراتىن ادامدارعا مەديتسينالىق كومەك كورسەتەدى.

Abai.kz

2 پىكىر