جۇما, 27 قاراشا 2020
COVID-19 قازاقستاندا. جۇقتىرعاندار — 128400. جازىلعاندار — 114821. قايتىس بولعاندار — 1990
ادەبيەت 6303 14 پىكىر 6 جەلتوقسان, 2019 ساعات 12:15

ومار حايام: «عۇمىرىم ءوتتى، بۇزىپ تيىم سالعاندى»

(رۋباياتتار)

كارىلىگىم  مەنىڭ تولى  كۇناعا،

ماعان  كەشىرىم جوق!  وسى مەنى اياپ كەرەك پە؟!

مەن ەسۋاسپىن،  قۇدايدىڭ ءتىلىن الماعان،

عۇمىرىم ءوتتى، بۇزىپ  تيىم سالعاندى.

******

جاراتقان يەم،  قايعىدان مەن قاجىدىم،

تۇك  شىقپايتىن  جۇبانىشقا تولى  ۇمىتتەن.

 جاراتۋشى  بولساڭ، سىيلاشى  ماعان باسقا ءومىر، 

مۇمكىن  ول جاقسىراق  شىعار مىنادان. 

******

ءبىز قۋىرشاقپىز،  تاعدىرىمىز ونىڭ قولىندا،

بۇل  ءسوزىمنىڭ   راستىعىندا كۇمان بار ما؟!

ءبىراز اۋناتىپ، ويناتىپ، وتكەن سوڭ اركىم  مەرزىمى،

ساندىعىنىڭ  تۇبىنە تىعادى دا تاستايدى. 

 

ىشىمدەگى سىرىمدى ايتتىم  ساعان جاسىرىپ:

ادامنىڭ  قايعىسىنا   ميى ونىڭ جەتپەيدى،

قۇداي  ءبارىمىزدى  قاسىرەت بالشىقتان يلەپ جاساعان :

ءبىر  تۇنەكتەن شىعىپ،  ەكىنشى تۇنەكتە جوعالسىن دەپ! 

******

كۇناسىز كەلىپ  – كۇناعا باتىپ  جۇرەمىز،  

كۇلىپ  كەلىپ –   قايعى جەپ ءومىر كەشەمىز.

كۇيدىرىپ  جۇرەك، كوزدەن  جاستى توگەمىز،

كۇلدە  اۋناپ، ءومىردى بوسقا  جاعامىز.

******

ماحاببات تا،  جاۋىزدىق تا -

ادامعا تۋا بىتكەن، ءبىرى قالماي.

جاقسى دا، جامان دا بولارسىڭ،

جاراتسا  قۇداي سولاي ادامدى.   

******

ايتار ءسوزىم: قۇداي ءوزى بەرىپ، ءوزى الادى، 

نەگە سولاي،  قۇپيا   بولىپ قالادى.

ءدام – تۇزىمدى،  ىشكەنىمدى كوزبەن ولشەپ،

تۇبىندە تولتىرىپ  قۇيماي تىنادى.                             

******

 بۇل دۇنيە شىر- شىر  ۇشقان كوپ تورعاي،

 الىستان ەستىلەدى   ايقايلاعان جانايقاي. 

 بۇل دۇنيەنىڭ  ەسىگى جوق – دوڭگەلەك تور،

 قامالىپ  مەن دە وتىرمىن ءبىر  تورعاي. 

******

جۇرەگىم مەنىڭ، ىزدەمە بوسقا سەن  - ىزگىلىك،

وتىرىك كۇشتى،  ىزدەمە بوسقا سەن -  شىندىق،

جالعانعا  قارسى ەشكىمدە ەم تاپقان جوق.

دۇرىسى  كونگەن، ىزدەمە بوسقا ءدارى  جوق.

******

 مولاعا سۇيەگىمدى مەنىڭ كومىڭدەر،

 قۇتقارماس ەندى  ءسوز بەن ەشكىم كوز جاسى،

 سال كۇتىڭدەر توپىراق بولىپ كەتكەنشە،

 سودان كەيىن قۇمىرا  جاساپ قويىڭدار.

******

 جۇز جىل  كۇل بولىپ، وتتا  بىقسىيىن،

 قورىقپايمىن  تۇسىمە كىرگەن توزاقتان.

 قورقامىن مەن قايىرىمى  جوقتاردان،

 ولگەن ارتىق ولارمەن دۇنيە سۇرگەنشە.                                             

 ******                                   

 ەستىمەن تۇسسەم  جۇماققا،

 توزاقتا كۇنىمدى كورىپ كەتەرمىن،

 قۇدايىم  ساقتا قايعىدان، 

 اقىماقپەن تۇسىرمە   جۇماققا.

******

بەسىكتە – ءسابي،  تابىتتا – سۇيەك،

بىلە  بىلسەڭ: تاعدىر  مىنە وسىنداي. 

تۇبىندە قالدىرماي جۇت، سۇراما سەن:

قوجاسى  قۇلىنا قۇپياسىن اشپايدى.

******

 ادامعا جاقىن ءجۇر،  ءجايلى بول!

 جارالا ما اقىلىڭمەن سەن ونى، 

 سەندە باتىل بول! تاعدىرىڭمەن ارپالىس.

 سەرتىڭدى بەر، جابىرلە مە ادامدى!

******

جاقسىلارمەن  جاقىن ءجۇر – ءسوزىڭدى ءبىل،

جامانداردان  اۋلاق ۇستا –  ءجونىڭدى ءبىل،

ارامزا  ەمىن بەرسە  – توگىپ تاستا،

ادال ۋ قۇيسا – توكپەي ۇرتتا.

******

قۇدايىم - اۋ، ايەلگە  كەرەمەت انار كەۋدە بەردىڭ، 

سۇلۋ ەرىن  بەردىڭ، ال قىزىل ءشاربات شىرىنداي، 

وسىدان كەيىن   بۇيىراسىڭ بۇرىلما  دەپ ولارعا،

سۋعا سۇڭگىپ، بىلعانبا  ماعان دەيسىڭ بە؟! 

******

دوسىڭ  از بولسىن، شۇبىرتپا كوپ،

ەستە ساقتا: الىستاعى دوس جاقىن.

قاسىڭداعى  جاقىن دوسىڭ،

ءبىر كۇنى  قاسىڭ بولىپ شىعادى.   

******

جاقسىلار   قادىرىن ءبىلىپ،  قۇرمەتتەيدى وزدەرىن، 

قيىندىقتا  جانىڭنان تابىلادى  جان ۇرىپ،  

جاقسى  كورەتىن  ءوزىڭدى -  كورگىڭ كەلسە  اينادان،   

كۇنشىل بولما  - كۇنىڭ شىعار  جارقىراپ!

 ******

ءومىر كەيدە  بەزبۇيرەك،

دەگەنمەن  ول عانيبەت، 

قارا نان جەگەن  ەش ەمەس،

نيەتىڭ  قارا بولماسا! 

******

سەنبە  بوسپە ايتقان سوزگە، 

ولار  ويناقى،  وتىرىكشى كەلەدى.

ادامعا سەن،  ءۇنسىز تۇرىپ،

ادامعا  بولسا ەكەن دەپ جۇرەتىن.

******

 اۋەلدەن زەيىن  ماعان جات بولمايتىن،

 دۇنيەنىڭ  جۇمباق سىرىن  بىرگە اشقان.

 سەرگىتىپ،   مەن دە استىم  جەتپىس جاستان،  

 بىلگەنىم تۇكتە  ەمەس، نە دەيىن مەن!        

******

ادال  ءومىر ءسۇر،  قاناعات قىل  بارىنا،

ەركىن  ءجۇر، جوعالتپاي،   ساقتا ارىڭدى.

اناۋ  باي ەكەن  دەپ، قاپالانبا،  قىزعانىپ،   

كەدەيلەر  بار سەنەن دە  سورلى ساناۋسىز. 

******

قاتال تاعدىر،  ولتىرەدى، ايامايدى ەشكىمدى،

ءبىر كۇنى ءتانىڭ ءولىپ، جانىڭ شىعىپ  كەتەدى. 

وتىر، اسىقپا، كوك  شالعىننىڭ ۇستىندە،

قالار ءتانىڭ  شالعىن ءشوپتىڭ استىندا.

******

بىلەمىن: ۇرلىق -ۇستەم، قاپتاپ جۇرگەن  ۇرى.

اقىلدى  - قاشاندا   جەمى اقىماقتىڭ،

ارسىز -     ادالدى قورلاپ كۇندە  جۇرەدى.

باقىت -     باتقان، وكىنىش تەرەڭ  سۋعا .  

******

كويلەگىڭ جىرتىق بولماسا بولدى،

كۇنا ەمەس،  ەرتەڭگى كۇندى ويلاساڭ! 

ءومىر -  قىمبات! قالعانى  بوس اۋرە! 

اشەيىن  - بايلىق  جانە قۇرمەتتە!   

   ******

 جەردە  ۇزاق ءجۇردىم، گۇلگە  تولى،

 ىستەرىم   ورلەمەدى تاۋ  بيىككە،

 تاۋبا  ءومىر، وكىندىرگەن  تالاي مەنى،

 كۇندەرىم  جانعا جايلى تۇراتىن. 

******

ءومىر  قىسقا، وتەدى دە كەتەدى،

قىزىعىن كورىپ، كۇنىڭدى  كۇندە باعالا، 

قالاي ءومىر سۇرسەڭ، ءومىرىڭ  سولاي وتەدى،

ءومىر تۋىندىڭ، ونى ءبىر كۇن ۇمىتپا.

ورىس تىلىنەن اۋدارعان: سالاۋات كارىم 

Abai.kz

14 پىكىر