سەيسەنبى, 11 تامىز 2020
COVID-19 قازاقستاندا. جۇقتىرعاندار — 99442. جازىلعاندار — 72523. قايتىس بولعاندار — 1058
46 - ءسوز 2105 2 پىكىر 6 جەلتوقسان, 2019 ساعات 11:36

وقشاۋ وي

باس قالاڭدا جولدان ءوتىپ بارا جاتقان جاياۋ جۇرگىنشىنى دوپشا دومالاتىپ قاققان 23-تەگى بىرەۋ ەكەن. ايەل قايتىس بولعان. انادان ءتىرى قالۋ دا مۇمكىن ەمەس قوي. يماندى بولسىن! ۇرلانعان كولىككە (سولاي دەلىندى) يە بولىپ تايراڭداعانىمەن قويماي، ادام قاعىپ ولتىرگەن كىمنىڭ بالاسى؟ اكە-شەشەسىن دە جاۋاپقا تارتقان ءجون مۇندايدا. كىمدەر؟ اتى-ءجونى كىم؟ ايتىلۋى كەرەك. كىسىسىنەن ايىرىلعان وتباسىنا وزدەرى ولگەنشە ايىپ تولەتسە... باس قالادا باسسىزدىق بولعان سوڭ باسقاعا نە دەيسىڭ. جالپى، كەنەسارىنىڭ باسىن قايتارعانشا باسسىزدىق جايلايدى دەگەن اڭىزدىڭ اقيقاتى بار سياقتى عوي. باسسىز بولماسا، ۇرى ۇستالماي ما، ۇستاماي ما، ءتارتىپ ورناماي ما...

تارازدا تالتۇستە وقۋشى زورلاندى. زورلىقشى كىم؟ اكە-شەشەسى كىمدەر؟ بىلەيىك! نە تاربيە بەرگەن بالاسىنا، ايتسىن، تىڭدايىق. قاي قىلمىسكەر بولسا دا، تۇرمەگە ءتۇسىپ، سونى ءبىز اسىرايمىز. ولارعا ءبىر ءتۇيىر ماي دا، بوتقا مەن سورپا دا، سۋعا پىسكەن جۇمىرتقا دا بەرىلەدى. ءبىر ءتىلىم نان جەيدى! ال ارامىزدا قارا سۋعا قاراپ، تاۋىقتىڭ ەتىنە دە جەتە الماي، ماكاروندى سۋعا قايناتىپ جەپ وتىرعان دا وتباسى بار. تۋبديسپانسەردە جاتقان اۋرۋ بالاداي كورىپ، اكە-شەشەسى دە تاماق تاسيدى تاعى. ونداي قىلمىسكەردىڭ اكە-شەشەنى بالاسىنىڭ كەسىرى تيگەن وتباسىعا قۇل عىپ جىبەرىپ، موينىنا ءومىر بويى تولەيتىن ايىپ ىلسە. سوندا ايىلىن جيار ما ەدى، بالكىم!

ساحناعا شىعىپ ەكى ءاندى فونوگراممامەن ايتاتىن انشىسىماقتاردىڭ اكە-شەشەسىنەن سۇحبات الىپ، وزدەرىن قويىپ، سولاردىڭ اكە-شەشەسىنە باعدارلاما اشقىشتار، سولاردى كورسەتىپ ناسيحاتتاعىشتار كورسەتسىن قىلمىس جاساعانداردىڭ ءۇرىم-بۇتاعىن. ارناسىن ءبىر حاباردى! قالاي جاساپ، قالاي سايرار ەكەن، كورەيىك. كەز كەلگەن قازاق بالاسى ءوزىنىڭ تۋعان اۋىلىندا وڭايلىقپەن بەيباستاقتىققا بارا بەرمەيدى.

قانداي توپاس نادان بولسا دا، ءبارىبىر اكە-شەشەنىڭ اتىنا كىر كەلتىرمەۋدى ويلاپ تۇرادى. اۋىلىندا قىلمىس جاساپ كورسىنشى اعالارى، ءتىپتى سولاردىڭ قاتارلاستارى-اق شىقپىرتىپ جونگە سالادى. مەن بىلەتىن قازاقى اۋىل سونداي ەدى. ال ۇلكەن قالاعا كەلگەن سوڭ بالاسىنىڭ قايدا تۇرىپ، نەمەن اينالىسىپ جۇرگەنىنەن كوپ اكە-شەشە بەيحابار. نە كەلىپ كورمەيدى، ىزدەمەيدى. ءۇي الىپ بەرىپ بالاسىن قولىنان جەتەكتەپ كىرگىزگەندەي اۋىلىندا بەيقام جاتادى كوبى. وتىرىك پە؟

باسپاناسى جوق بالا كورىنگەنمەن بىرىگىپ قاڭعىپ ءجۇرىپ اۋەلى پاتەر جالدايدى، قالالىق تىركەۋى بولماعاندىقتان جۇمىسقا كىرە الماي قالاداعى تىرلىگىن جايلاپ ۇرلىق جاساپ باستايدى. وزىنەن كىشىگە الىمجەتتىك كورسەتىپ، بىرەۋدىڭ ءىلىپالارىن تارتىپ اپ جۇرگەن دە، قوعامدىق كولىكتە تىمىسكىلەنىپ كورىنگەننىڭ قالتاسىنا قولىن جۇگىرتىپ جۇرگەن دە - ءوزىمىزدىڭ قازاق! ءۇي توناپ جۇرگەندەردىڭ دە كوبى - قازاق جىگىتتەرى! وزگە ۇلتتى جاقتاپ وتىرعام جوق. جاقتامايمىن دا. شىندىعى سول عوي ءبارىبىر. بالاسىنىڭ شالىس باسقانىنا ەڭ ءبىرىنشى اكە-شەشە جازالانسا. اكە-شەشە ءۇشىن بالا جاۋاپ بەرمەيدى، بالاسى ءۇشىن اكە-شەشە بارىنە مىندەتتى. ءوز ويىم.

ايگۇل بولاتحانقىزىنىڭ الەۋمەتتىك جەلىدەگى پاراقشاسىنان

Abai.kz

2 پىكىر