جۇما, 29 ناۋرىز 2024
4263 26 پىكىر 5 جەلتوقسان, 2019 ساعات 13:58

ۋكراينا توقاەۆتىڭ سوزىنەن كەيىن قازاقستانعا دەمارش جولدايدى

قازاقستان پرەزيدەنتى قاسىم-جومارت توقاەۆتىڭ قىرىم اننەكتسياسى تۋرالى ايتقان پىكىرىنە ۋكراينا سىرتى ىستەر مينيسترلىگى الاڭداۋشىلىق تانىتتى.

"باق-تاعى قازاقستان رەسپۋبليكاسى پرەزيدەنتى قاسىم-جومارت توقاەۆتىڭ قىرىمداعى رەسەي اننەكتسياسىن تەرىستەگەن پىكىرىنە الاڭداۋشىلىق تانىتامىز.

ۋكراينا قازاقستاندى ءاردايىم ارىپتەس ءارى دوس ساناعان. ءوزارا سەنىم پرينتسيپتەرى - تاۋەلسىزدىكتى قۇرمەتتەۋ، مەملەكەتتىڭ ەگەمەندىگى مەن تەرريتوريا تۇتاستىعى، شەكارانىڭ بۇلىنبەۋى مەن تەڭ قۇقىلىلىق جانە ءبىر-ءبىرىنىڭ ىشكى ساياساتىنا ارالاسپاۋ، سونداي-اق، حالىقارالىق قۇقىقتاعى جالپى مويىندالعان نورمالاردى ساقتاۋ بۇل - قازاقستان مەن ۋكراينا اراسىنداعى مەملەكەتارالىق قارىم-قاتىناستىڭ نەگىزى.

بۇل نەگىزدەر سوناۋ 1994 جىلى دوستىق ءارى ارىپتەستىك تۋرالى كەلىسىمگە قول قويۋ ارقىلى بەكىتىلگەن. سودان بەرى ءبىزدىڭ ەلىمىز بۇل نەگىزدەرگە بەرىك بولدى.

قازاقستان پرەزيدەنتىنىڭ ءسوزى جوعارىدا كەلتىرگەن قازاقستان-ۋكراينا قارىم-قاتىناستارىنىڭ پرينتسيپتەرىنە عانا ەمەس، حالىقارالىق دەڭگەيدە مويىندالعان، بۇۇ باس اسسامبلەياسى رەزوليۋتسياسىندا ماقۇلدانعان پوزيتسيالارعا قاراما-قايشى كەلەدى. 2014 جىل. 27 ناۋرىز. №A/RES/68/262.

اسىرەسە، قازاقستان پرەزيدەنتىنىڭ بۇل ءسوزى ەقىۇ، مينيسترلەر كەڭەسىنىڭ قارساڭىندا ايتىلعانى وكىنىشتى. بۇل ۇيىمعا ەكى تاراپ تا مۇشە. ال حەلسينكي قورىتىندى اكتىسىنە سايكەس، ونىڭ نەگىزگى پرينتسيپتەرىنىڭ ءبىرى - وزگە مەملەكەتتىڭ ەگەمەندىگى مەن تەرريتوريالىق تۇتاستىعىن قۇرمەتتەۋ. قازاقستان جاعىنا دەمارش جاسالادى", دەپ جازىلعان ۋكراينا ءسىم رەسمي سايتىندا.

ەستەرىڭىزگە سالا كەتەيىك، قازاقستان پرەزيدەنتى قاسىم - جومارت توقاەۆ گەرمانياعا ساپارىنىڭ الدىندا نەمىستىڭ Deutsche Welle اگەنتتىگىنە سۇحبات بەرىپ، قىرىم اننەكتسياسى تۋرالى پىكىر بىلدىرگەن.

ء"بىز قىرىمداعى جاعدايدى اننەكسيا دەپ اتامايىز. قىرىمعا قاتىستى ايتقاندا بۇل تىم اۋىر ءسوز. بولار ءىس بولدى”، – دەگەن پرەزيدەنت.

2014 جىلى رەسەي فەدەراتسياسى ۋكراينا قۇرامىنداعى قىرىمدى اننەكتسيالاعان بولاتىن. 2014 جىلدىڭ 16-ناۋرىزى رەسەي قىرىمدا رەفەرەندۋم وتكىزىپ، ونىڭ ناتيجەسى بويىنشا قىرىم تۇبەگىن ءوز اۋماعىنا قوسىپ العان.

قازاقستان رەسمي تۇردە قىرىمدى رەسەي اۋماعىنىڭ بولىگى دەپ تانىعان جوق.  2014 جىلى بۇۇ باس اسسامبلەياسى ۋكراينادان قىرىمنىڭ ءبولىنۋى تۋرالى رەفەرەندۋمدى زاڭسىز دەپ تانيتىن قاراردى كوپشىلىك داۋىcپەن قابىلداعاندا قازاقستان قالىس قالدى.

Abai.kz

26 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555