جۇما, 29 ناۋرىز 2024
2658 7 پىكىر 3 جەلتوقسان, 2019 ساعات 06:58

ترامپ يمپيچمەنت بويىنشا تىڭداۋعا قاتىسۋدان باس تارتتى

اقش پرەزيدەنتى دونالد ترامپ 4 جەلتوقساندا بەلگىلەنگەن وكىلدەر پالاتاسىنداعى يمپيچمەنت بويىنشا تىڭداۋعا قاتىسپايدى. بۇل تۋرالى اق ءۇيدىڭ زاڭدىق كەڭەسشىسى پەت چيپوللونەنىڭ سوت كوميتەتىنىڭ توراعاسى دجەررولد نادلەرگە جولداعان حاتىندا جازىلعان.

ء"بىز بۇل ءىس بويىنشا كۋالەر اشىق ايتىلعانعا دەيىن تىڭداۋعا قاتىسا المايمىز. ازىرشە سوت كوميتەتى كوسىمشا تىڭداۋلاردى بەلگىلەپ، پرەزيدەنتتى ادىلەتتى پروتسەسسپەن قامتاماسىز ەتۋ-ەتپەسى بەلگىسىز بولىپ تۇر. سول سەبەپتەن پرەزيدەنت سارسەنبىدەگى تىڭداۋعا قاتىسپايدى", - دەپ جازىلعان حاتتا.

چيپوللونە كوميتەت وتىرىسى ترامپ ناتو-نىڭ وتىرىسىنا قاتىسۋ ءۇشىن لوندونعا باراتىن كۇنگە بەلگىلەنگەنىن ايتتى. ال دەموكراتتار وتىرىستى ادەيى وسى كۇنگە بەلگىلەدى دەپ ەسەپتەيدى.

4 جەلتوقساندا وكىلدەر پالاتاسىنىڭ زاڭ جانە سوت كوميتەتتەرىندە ترامپقا يمپيچمەنت جاريالاۋعا كونستيتۋتسيالىق نەگىز بار-جوعى تالقىلانادى. بۇل ءۇشىن كونگرەسسكە كونستيتۋتسيالىق قۇقىق بويىنشا زاڭگەر مەن ساراپشىلار شاقىرىلعان.

ترامپ 2020 جىلى وتەتىن سايلاۋداعى ىقتيمال باسەكەلەسى دجو بايدەنگە زيان كەلتىرۋ ءۇشىن ۋكراينا پرەزيدەنتىنە قىسىم جاساعان دەپ ايىپتالىپ جاتىر.

پرەزيدەنت دەموكراتتاردىڭ ايىپتاۋلارىن سىنعا الىپ، وعان قارسى باستالعان يمپيچمەنت "امەريكا ساياساتى تاريحىنداعى ەڭ ۇلكەن الاياقتىق" دەپ اتاعان.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564