گونكونگتە ادام قۇقىعى جانە دەموكراتيانى قورعاۋ تۋرالى اكتىگە سايكەس، اقش پرەزيدەنت اكىمشىلىگى گونكونگتەگى نارازىلاردى باسۋعا اتسالىسقان شەنەۋنىكتەرگە سانكتسيا سالۋى ءتيىس. بۇدان بولەك، اقش مەملەكەتتىك دەپارتامەنتىنە گونكونگتىڭ اۆتونوميالىق دەڭگەيىن جىل سايىن باعالاۋ مىندەتى جۇكتەلگەن. سوعان قاراپ اقش ساۋدا جاساعان كەزدە گونكونگتىڭ ارنايى ستاتۋسىن جويۋ-جويماۋ تۋرالى شەشىم قابىلدايدى. ترامپ قول قويعان تاعى ءبىر زاڭ گونكونگتە نارازىلاردى تاراتۋ كەزىندە قولدانىلاتىن پوليتسەيگە قاجەتتى جابدىقتار مەن تەحنيكانى ەكسپورتتاۋعا تىيىم سالادى.
اق ءۇي مالىمدەمەسىندە زاڭ جوبالارىنا قول قويعان پرەزيدەنت ترامپتىڭ گونكونگ پەن قىتاي باسشىلىعى قاراما-قايشىلىقتى بەيبىت تۇردە شەشىپ، بەيبىتشىلىك پەن گۇلدەنۋگە جول اشادى دەپ ۇمىتتەنەتىنى جازىلعان. قىتايدىڭ ىشكى ىستەر مينيسترلىگى بۇل زاڭداردى "گونكونگ پەن قىتايدىڭ ىشكى ىسىنە ارالاسۋ" دەپ اتاپ، بۇل حالىقارالىق قاتىناستىڭ نەگىزگى نورمالارىنا قايشى دەدى.
بۇل زاڭداردى وتكەن اپتادا اقش كونگرەسىنىڭ ەكى پالاتاسى ماقۇلداعان. قۇجات اۆتورلارىنىڭ ايتۋىنشا، بۇل زاڭداردىڭ ماقساتى - شامامەن جارتى جىلعا جۋىق ۋاقىتتان بەرى جالعاسىپ جاتقان گونكونگتەگى دەموكراتيانى قورعاۋ شاراسىنا قاتىسقان ازاماتتارعا قولداۋ كورسەتۋ. سوڭعى ساتكە دەيىن ساراپشىلار ترامپتىڭ بۇل زاڭ جوبالارىنا قول قوياتىنى-قويمايتىنىن ناقتى ايتا المادى. اق ءۇيدىڭ مۇنداي قادامى ۆاشينگتون مەن پەكين اراسىنداعى ساۋدا قاتىناسىن كۇردەلەندىرىپ جىبەرۋى مۇمكىن ەكەنى ايتىلدى. ەكى مەملەكەت جاقىن ارادا باج سالىعىن الىپ تاستاۋ تۋرالى الدىن الا كەلىسىمگە قول قويۋى ءتيىس.
Abai.kz
