دۇيسەنبى, 19 قازان 2020
COVID-19 قازاقستاندا. جۇقتىرعاندار — 109508. جازىلعاندار — 105030. قايتىس بولعاندار — 1768
ارىلۋ 1817 5 پىكىر 29 قاراشا, 2019 ساعات 12:51

يراك تۇرمەسىندە بولعان 14 بالا ەلگە كەلدى

قازاقستان يراكتان 14 بالانى ەۆاكۋاتسيالادى دەپ حابارلادى 28 قاراشادا قازاقستان سىرتقى ىستەر مينيسترلىگىنىڭ ءباسپاسوز قىزمەتى. مينيسترلىكتىڭ ايتۋىنشا، قازاقستانعا اكەلىنگەن بالالاردىڭ انالارى يراك تۇرمەلەرىندە قاماۋدا وتىر.

"ولاردىڭ انالارى سوتتالىپ، تەرروريستىك ارەكەتكە قاتىسى بولعانى ءۇشىن [يراكتا] تۇرمەدە جازاسىن وتەپ جاتىر. اتالعان گۋمانيتارلىق اكتسيانى بالالاردىڭ انالارى مەن تۋعان-تۋىستارىنىڭ ءوتىنىشى بويىنشا سىرتقى ىستەر مينيسترلىگى بىرقاتار مەملەكەتتىك ورگاندارمەن، قازاقستاندىق ۇكىمەتتىك ەمەس قۇرىلىمدارمەن جانە حالىقارالىق ۇيىمدارمەن بايلانىسا وتىرىپ جۇزەگە اسىردى" دەلىنگەن مينيسترلىك حابارلاماسىندا.

ءسىم حابارلاۋىنشا، "قۇجات ماسەلەسى شەشىلىپ، بەيىمدەۋ كەزەڭى اياقتالعاننان كەيىن بالالار تۋىستارىنىڭ قاراۋىنا بەرىلەدى".

سيريادا قارۋلى قاقتىعىس باستالعالى قازاقستاننىڭ سەگىز جۇزگە جۋىق ازاماتى سيريا مەن يراك اۋماعىنا كەتىپ، سونداعى تەرروريستىك توپتاردىڭ قاتارىنا قوسىلعانى حابارلانعان.

قازاقستان بيىل جاڭا جىلدان باستاپ "جۋسان" وپەراتسياسى اياسىندا سيريا مەن يراك اۋماعىنداعى ازاماتتارىن قايتارا باستادى. ءار وپەراتسيا سايىن قازاقستاننىڭ بۇرىنعى پرەزيدەنتى نۇرسۇلتان نازارباەۆ پەن قازىرگى پرەزيدەنتى قاسىم-جومارت توقاەۆ مالىمدەمە جاساپ، ناقتى سانىن كورسەتكەن. الايدا ۇقك بەرگەن دەرەك پەن "جۋسان" وپەراتسياسى بويىنشا قايتارىلعاندار تۋرالى مالىمەتتە ايىرما بارىن ازاتتىق بۇعان دەيىن جازعان.

ۇكك-ءنىڭ جاۋابىنا قاراعاندا، سيريا مەن يراكتان قازاقستانعا 277 ەرەسەك ادام (57 ەر ادام، 220 ايەل ادام) جانە 547 كامەلەت جاسقا تولماعان بالا قايتارىلعان.

Abai.kz

5 پىكىر