قىزىلوردا وبلىسىنىڭ اكىمى قۋانىشبەك ىسقاقوۆ قالاداعى بىرنەشە نىساندى ارالاپ، ساپاسى سىن كوتەرمەيتىن مەكتەپتەردىڭ جاعدايىمەن تانىستى.

ماسەلەن، وبلىس اكىمى قالاداعى س.سەيفۋللين اتىنداعى №4 ورتا مەكتەپتىڭ جۇمىسىمەن تانىستى. بۇل ءبىلىم وشاعىنىڭ ءبىر بولىگى اپپاتتى جاعدايدا تۇر. قازىر وندا بالالار وقىمايدى. ايماق باسشىسى وسى اپاتتى جاعدايداعى مەكتەپتىڭ جانىنا قوسىمشا عيمارات سالۋ ماسەلەسىن شەشۋدى تاپسىردى. سونىمەن قاتار، مەكتەپتەردىڭ جىلۋمەن قامتاماسىز ەتىلۋى دە ءوڭىر باسشىسىنىڭ نازارىنان تىس قالمادى. سوندىقتان، قىس مەزگىلىندە وقۋشىلار ءۇشىن سىنىپتاردىڭ جىلى بولۋىن ەسكەرتتى. سونداي-اق، ايماق باسشىسى مەكتەپ اۋلاسىنداعى كوركەيتۋ، كوگالداندىرۋ جۇمىستارىنا قاتىستى مەكتەپ ديرەكتورىنا بىرقاتار سىن-ەسكەرتپەلەرىن ايتتى.

-وقۋ تاربيە جۇمىستارىمەن بىرگە، تازالىققا وقۋشىلاردى باۋلۋ پەداگوگتاردىڭ مىندەتى ەكەنىن ەستەن شىعارماۋلارىڭىز كەرەك. قازىر مەنىڭ اۋلادان كورىپ تۇرعان كورىنىسكە كوڭىلىم تولىپ تۇرعان جوق. بارلىعىن قالىپقا كەلتىرىڭىزدەر،- دەدى قۋانىشبەك ىسقاقوۆ.

ودان كەيىن وبلىس اكىمى «رومانوۆ ي ك» اۋدانارالىق اۆتوۆوكزالىنا باردى. ايماق باسشىسى ونداعى جولاۋشىلاردىڭ جاعدايىن ەسكەرىپ، جۇمىستاردى ءبىر جۇيەگە كەلتىرۋدى تاپسىردى.سونىمەن قاتار، اۆتوۆوكزالداعى جولاۋشىلار ماسەلەسى تولىققاندى شەشىلۋى تيىستىگىن ەسكەرتتى.

-اۆتوۆوكزال ءجاي عانا گاراج ەسەبىندە تۇرماي، ءوزىنىڭ فۋنكتسياسىن اتقارۋى كەرەك. جولاۋشىلار ماسەلەسى تولىق شەشىلسىن. قاجەت بولعان جاعدايدا اقىسىز كولىكتەر شىعارىپ، تۇرعىنداردى بازارعا جەتكىزۋ ماسەلەسىن قولعا الىڭىزدار,- دەپ تاپسىرما بەردى ءوڭىر باسشىسى.

ايماق باسشىسىنىڭ نازارىنا وڭىردەگى شەت ايماقتار دا تىس قالمادى. مۇنان كەيىن وبلىس اكىمى "تيتوۆ" مولتەك اۋدانىنداعى جاڭالاۋدى قاجەت ەتەتىن كوپقاباتتى تۇرعىن ۇيلەر اۋلاسىندا ورنالاسقان ويىن الاڭدارىنىڭ جاعدايىمەن تانىسىپ، الاڭدا جۇرگەن بىرنەشە ويىن بالاسىمەن سۇقباتتاستى. بالالار وبلىس اكىمىنە جاڭا الاڭقايدىڭ كەرەكتىگىن ايتتى. ال، ايماق باسشىسى قالا اكىمدىگىنە اتالعان ماسەلەنى جىلدام شەشۋدى تاپسىرىپ، الاڭدى جوندەپ بەرۋدى جۇكتەدى.

مۇنان سوڭ، وبلىس اكىمى ءال-فارابي تۇرعىن اۋدانىنداعى №261 ورتا مەكتەپكە باردى. اتالمىش ءبىلىم وشاعىندا وقۋشىلار سانىنىڭ كوبەيۋىنە بايلانىستى قوسىمشا قۇرىلىس جۇرگىزىلگەن.

وبلىس اكىمى قۋانىشبەك دوسمايىلۇلى جۇمىسىمەن تانىسقان بارلىق نىساندارداعى ماسەلەلەردىڭ شەشىلۋى ءوزىنىڭ جەكە باقىلاۋىندا بولاتىندىعىن ايتتى.

Abai.kz