10-17 قاراشا ارالىعىندا موڭعوليا استاناسى ۇلان-باتىر قالاسىنداعى «Buyant Ukhaa» سپورت سارايىندا بوكستان جاستار اراسىنداعى ازيا چەمپيوناتى ءوتتى. تۋرينگە 2001-2002 جىلدارى دۇنيەگە كەلگەن بوكسشىلار قاتىستى. 

جاس بوكسشىلار اراسىندا وتكەن قۇرلىق بىرىنشىلىگى قازاقستان قۇراماسى ءۇشىن تابىستى بولدى دەۋگە تولىق نەگىز بار. سەبەبى، ءبىزدىڭ بوكسشىلار بۇل سىندا 6 التىن، 6 كۇمىس، 2 قولا مەدال الىپ، جالپى كوماندالىق ەسەپتە ءبىرىنشى ورىنعا يە بولدى. ال وزبەكستان قۇراماسى ەكىنشى ورىنعا جايعاستى.

كەزەكتى چەمپيوناتتىڭ جارتىلاي فينالىنا 15 قازاقستاندىق بوكسشى جولداما العان. ولاردىڭ توعىزى جىگىت، التاۋى بۇرىمدى بوكسشى بولاتىن.

جارتىلاي فينالعا جەتكەن جىگىتتەر: بازاربايۇلى مۇحاممەدسابىر (49 كەلى), ماحمۋد سابىرحان (52), بەيبارىس جەكسەن (56), دارحان دۇيسەباي (64), مارعۇلان ايدارۇلى (69), ازامات بەكتاس (75), ەراسىل جاقپەكوۆ (81), توعامباي ساعىندىق (91) جانە سابىرعالي امانات (+91).

قىزدار - انەل ساكىش (51 كەلى), ۇلجاناي مامۋتوۆا (60), بالجان اسقار (64), مايا بەيسەباەۆا (69), ارايلىم باقىتجانقىزى (81) جانە گۇلسايا ەرجان (+81).

اتالعان 15 بوكسشىنىڭ ۇشەۋى 1/2 فينالدا ءسۇرىنىپ، قولا مەدالدى قاناعات تۇتتى. ولار: مارعۇلان ايدارۇلى (69 كەلى), ەراسىل جاقپەكوۆ (81) جانە بالجان اسقار (64).

وسىلايشا فينالعا قازاقستان قۇراماسىنان ون ەكى بوكسشى شىقتى. ال وزبەكستان، قىتاي جانە ءۇندىستان قۇرامالارىنان التى، تايلاندتان ءتورت، جاپونيا، تايپەي، قىرعىزستان جانە وڭتۇستىك كورەيادان ءبىر بوكسشى فينالعا جولداما الدى.

اقتىق سىندا جۇدىرىقتاسقان 12 قازاقستاندىقتىڭ التاۋى التىن مەدال الدى. وكىنىشتىسى، فينالعا شىققان بەس بۇرىمدى بوكسشىمىزدىڭ بەسەۋى دە كۇمىس مەدال الدى.

قازاقستاندىق ەر بوكسشىلاردىڭ قاتىسۋىمەن وتكەن فينالدىق جەكپە-جەكتەردىڭ ناتيجەلەرى:

49 كەلى مۇحاممەدسابىر بازاربايۇلى - سەلاي سوي ء(ۇندىستان) - 4:1
52 كەلى ماحمۋد سابىرحان - سۋحەت سۋراۆۋت (تايلاند) - 5:0
56 كەلى بەيبارىس جەكسەن - حۋرشيدبەك راسۋلجونوۆ (وزبەكستان) - 5:0
64 كەلى. دارحان دۇيسەباي - جاۆلونبەك يۋلدوشەۆ (وزبەكستان) - 5:0
75 كەلى ازامات بەكتاس - سۋحروبجون كايموۆ (وزبەكستان) - 1:4
91 كەلى توعامباي ساعىندىق - سامادوۆ اميرشوح (وزبەكستان) - 5:0
+91 كگ. امانات سابىرعالي - يۋ دونگ دجين (وڭتۇستىك كورەيا) - 5:0.

فينالدا ونەر كورسەتكەن بۇرىمدى بوكسشىلارىمىز: 

انەل ساكىش (51 كەلى),
ۇلجاناي مامۋتوۆا (60),
مايا بەيسەباەۆا (69),
ارايلىم باقىتجانقىزى (81),
گۇلسايا ەرجان (+81).

ەرلەر اراسىنداعى جالپىكوماندالىق ەسەپ:

1. قازاقستان — 6-1-2 (9)
2. وزبەكستان — 3-3-2 (8)
3. جاپونيا — 1-0-2 (3).

قۋانىش قاپپاس

Abai.kz