بەيسەنبى, 28 ناۋرىز 2024
46 - ءسوز 4589 10 پىكىر 15 قاراشا, 2019 ساعات 12:48

مەن قالاي ءدىني اعىمعا جۇتىلىپ كەتپەدىم؟

قالادان اۋىلعا بارعاندا اكەم جىلقىنىڭ بابى تۋرالى ەسكىدەن كەلە جاتقان قۇپيالارىمەن بولىسەتىن.
- «بايگە بولار جىلقىنى تۋا سالعاندا نە ىستەۋ كەرەك ەكەنىن ايتايىن با؟» دەيتىن.

مەن قىزىعىپ: «ءيا»، دەيمىن.

- ەشكىمگە ايتپا، بۇل جىلقىشىلاردىڭ قۇپياسى، دەيدى.

- 2-3 وقيتىن كەزىم. جەزدەمنىڭ ۇيىنە قوناققا باردىم،- دەيدى اكەم.
-تاڭەرتەڭ ەرتە تۇرىپ، جىلقى قوراعا كىردىم. تور بيە جاڭا قۇلىنداپتى. قۇلىنى اياقتانا الماي تىپىرلاپ جاتىر. قۇلىنعا جاقىنداپ بارىپ، ءتورت اياعىن ۇستاپ كوردىم. تۇياعىن باسىپ كورسەم جۇپ-جۇمساق شەمىرشەك بولادى ەكەن. تابانىنا قاراسام بۇرتىك، بۇرتىك ەتتەر ءبىر جاققا قاراي جانتايىپ تۇر. ساۋساعىمنىڭ ۇشىمەن ەكىنشى جاققا قاراي جاتقىزسام، قۇلىن تەبىندەپ، تىتىركەنەدى. بالالىق قىزىعۋشىلىقپەن ءتورت اياعىندا قاراپ كوردىم. ءبارى سونداي بۇرشىك ەكەن. الگى بۇرتىك-بۇرتىك ەتتەردى ساۋساعىممەن تاراپ شىقتىم. سويتسەم جاڭا تۋعان قۇلىننىڭ تابانىن «بايگە بولسىن» دەپ سيپايدى ەكەن. سونداي ىرىم بار ەكەن. جەزدەمنىڭ اكەسى قۇلىندى ەڭ ءبىرىنشى بولىپ كورگەندىكتەن ماعان ەنشىلەدى، دەيدى.

اكەمنىڭ ومىرىدە، تاعدىرىدا جىلقى بولاتىن. جىلقىنى قالاي باپتاعانى، قانداي ءشوپ بەرەتىنى، قالاي تاڭاسىرعانى، جارىسقا قوسقاندا «ارۋاق» دەپ رۋح بەرەتىنى ءبارى-ءبارى جادىڭدا جاڭعىرىپ تۇرادى.

ەلىك جارىسقا قوساتىن كەزدە ءۇيىر جىلقىنىڭ دۇبىرىنەن رۋحتانىپ، ءتورت اياققا تۇرمايتىن. ءجۇرىس-تۇرىسىنىڭ ءوزى ەرەكشە ەدى. سۇلۋ بولاتىن.

بايگەسىنە «ەلىك» دەپ ات قويۋىنىڭ ءوزى حيكايا. جارىقتىقتىڭ باسى قاتتى بولاتىن. اتامىز جايلاۋدان كەلە جاتقاندا الدىنان جايىلىپ جۇرگەن ەلىك شىعادى. بايگەسىمەن قۋالاي جونەلەدى عوي. ەلىككە ەندى جەتە بەرگەندە الدىنان وزەن شىعىپ، ەلىك وزەن جاعاسىندا توقتاپ قالادى. بايگەسى وزەننەن شاۋىپ وتە شىعادى. قايتا اينالىپ كەلگەنشە دالا ەركەسى قاشىپ كەتەدى. وسى وقيعادان كەيىن جىلقىنى «ەلىك» دەپ اتاپ كەتەدى. ەلىكپەن ارلان قاسقىردى العانى دا ءبىر بولەك اڭگىمە.

ەلىكتىڭ شابىسىن، سۇلۋلىعىن سيپاتتايتىن. كوز الدىڭنان سۋرەت بولىپ ءوتىپ جاتادى. قازاقتىڭ رۋحانياتى، سالت-ساناسى كول-كوسىر ۋاعىزسىز جەتكىزىلەدى ەكەن عوي. دىكىڭ دەگەن، جىلپىڭداعان ۋاعىز ايتقىشتاردان سول رۋحانياتتىڭ ءبىرىن كورگەن جوقپىن. ستۋدەنت بولىپ ءدىن سالاسىن زەرتتەپ جۇرگەندە دە ءبىر اعىمنىڭ ىستىق ءشايى مەن جىلى جۇمساعىنا جۇرەگىمىز جىبىگەن جوق. وعان سەبەپ "ەلىك" بولمىسى ارقىلى جان-دۇنيەمىزگە سىڭگەن قازاقتىڭ ءداستۇرلى رۋحانياتى، قۋاتتى كۇشى شىعار. ايتپەسە، سىرتتان كەلگەن قارا قۇردىمعا باياعىدا جۇتىلىپ كەتەرمە ەدىك.

كەيدە، ءتورت قابىرعادا قامالىپ وتىرىپ، بالاما سول رۋحانياتتى، سول تۇيسىكتى قالاي جەتكىزەمىن دەپ ويلايمىن.

اسەت بەكتۇردىڭ facebook پاراقشاسىنان

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530