ول مۇنى سەيسەنبى كۇنى جۋرناليستەرمەن كەزدەسۋىندە ايتقان. پەسكوۆتىڭ سوزىنشە، رەسەي - ۋكراينا قاتىناستارى قالىپقا تۇسكەنىن ماسكەۋ دە قالايدى، بىراق ول كيەۆتىڭ ءدال سونداي ىقىلاسىنسىز مۇمكىن ەمەس"
12 قاراشادا قازاقستاننىڭ بۇرىنعى پرەزيدەنتى نۇرسۇلتان نازارباەۆ ۋكراينا پرەزيدەنتى ۆلاديمير زەلەنسكي مەن رەسەي پرەزيدەنتى ۆلاديمير پۋتين اراسىندا نۇر - سۇلتان قالاسىندا كەلىسسوز وتكىزۋدى ۇسىنعان بولاتىن. سول كۇنى نۇر - سۇلتاندا وتكەن فورۋمدا نازارباەۆ بۇل ۇسىنىسقا زەلەنسكي كەلىسىم بەرگەنىن، ءپۋتيننىڭ حاباردار ەكەنىن ايتقان.
نازارباەۆ "ەگەر ولار (پۋتين مەن زەلەنسكي – رەد.) كەزدەسۋگە بەيتاراپ جەر ىزدەسە قازاقستاندى ۇسىنامىن" دەگەن بولاتىن.
پەسكوۆ مەڭزەگەن "نورماند فورماتى" نەمەسە "نورمان تورتتىگى" - ۋكراينانىڭ شىعىسىنداعى جانجالدى رەتتەۋ ءۇشىن 2014 جىلدان بەرى جۇمىس ىستەپ كەلە جاتقان ۋكراينا، رەسەي، فرانتسيا جانە گەرمانيا جەتەكشىلەرى مەن سىرتقى ىستەر مينيسترلىگىنىڭ كەزدەسۋ فورماتى.
رەسەي مەن ۋكراينا اراسى 2014 جىلى رەسەي قىرىم تۇبەگىن اننەكسيالاپ، ۋكراينانىڭ شىعىسىنداعى سەپاراتيستەرگە قولداۋ كورسەتكەننەن كەيىن ۋشىققان.
Abai.kz
