دۇيسەنبى, 28 قىركۇيەك 2020
COVID-19 قازاقستاندا. جۇقتىرعاندار — 107775. جازىلعاندار — 102736. قايتىس بولعاندار — 1699
46 - ءسوز 2604 4 پىكىر 12 قاراشا, 2019 ساعات 13:07

اقيقاتپەن استارلانعان ءاجۋا

ورتا ازياداعى əلەمگە əيگىلى ءبىر ەلدىڭ، بىلدەي ءبىر ىشكى ىستەر ءمينيسترى تانىس حيرۋرگىنا بارىپ، بىلاي دەپتى:

– ءبىز «ساياساتكەر ءوزىن-ءوزى ءۇش رەت اتىپ ءولتىردى» دەپ مəلىمدەمە جاسادىق، ەندى سەن ءبىزدى قولداپ، «كاك حيرۋرگ راستايمىن، دۇرىس» دەپ مəلىمدەمە جاسا!

– ويپىر-اي، ə؟! ول ءوزىن-ءوزى قالاي-قالاي اتقان؟

– ەكى رەت – كەۋدەسىنە، ءبىر رەت – باسىنا.

– ويپىر-اي، ə؟! كەۋدەسىنە ءبىر رەت اتتى، شىبىن شاققان قۇرلى بولمادى. كەۋدەسىنە ەكىنشى رەت اتتى، يت قاپقان قۇرلى اۋىرسىنبادى. سودان سوڭ نامىسكەر جىگىت قاتتى اشۋلاندى دا، ءۇشىنشى وقتى ماڭدايىنا سارت ەتكىزدى، ə؟!

– و، دəل سولاي!

– سەن جانىندا كورىپ تۇردىڭ…

– جو-جوق! جوق! جوق! جو-جوق!

– كورمەسەڭ، نەگە ءويىتتىڭ؟!

– ەندى قايتەم؟

– Əنە، سكالپەل، بارىپ ال دا، ءۇش ساۋساعىڭدى ءبىر-بىرلەپ ءۇش رەت ءتىلىپ كور.

– تى چتو، ەتو نەۆوزموجنو! تى چتو، دۋراك؟! – دەپ مينيستر شىعا جونەلىپتى.

عابباس قابىشۇلى

Abai.kz

4 پىكىر