بەيسەنبى, 28 ناۋرىز 2024
2781 0 پىكىر 7 قاراشا, 2019 ساعات 16:56

دەموكراتتار ترامپ يمپيچمەنتى بويىنشا العاشقى اشىق تىڭداۋ وتكىزەدى

اقش پرەزيدەنتى دونالد ترامپقا يمپيچمەنت جاريالاۋ ماسەلەسى بويىنشا زەرتتەۋگە قاتىستى قوعامدىق تىڭداۋ كەلەسى اپتادا باستالادى. بۇل اقپاراتتى 6 قاراشادا اقش كونگرەسىنىڭ وكىلدەر پالاتاسىنىڭ بارلاۋ جونىندەگى كوميتەت جەتەكشىسى ادام شيفف حابارلادى.

13 قاراشادا وتەتىن قوعامدىق تىڭداۋدا اقش-تىڭ ۋكرايناداعى ۋاقىتشا سەنىمدى وكىلى ۋيليام تەيلور جانە اقش مەملەكەتتىك حاتشىسى كومەكشىسىنىڭ ورىنباسارى دجوردج كەنت جاۋاپ بەرەدى. 15 قاراشادا اقش-تىڭ ۋكرايناداعى بۇرىنعى ەلشىسى ماري يوۆانوۆيچ جاۋاپ بەرەدى. شيفف قوعامدىق تىڭداۋعا بايلانىستى قوسىمشا اقپارات الداعى ۋاقىتتا جاريالانادى دەدى.

دەموكراتتار ترامپتى قىزمەتتىك وكىلەتىن اسىرا پايدالاندى جانە وزگە ەلدىڭ باسشىسىن سايلاۋالدى كامپانياسىنا ارالاستىرىپ، پايدالانباق بولدى دەپ ايىپتايدى. ترامپ پەن ونىڭ جاقتاستارى ايىپتى تۇتاس جوققا شىعارادى.

بۇعان دەيىن كونگرەستە اقش-تىڭ ۋكراينا بويىنشا ساياساتىنا قاتىسى بار ونداعان ديپلومات پەن ترامپ اكىمشىلىگىنىڭ قىزمەتكەرى تىڭدالعان. ولاردىڭ بارلىعى اقش تارابىنان كيەۆكە قىسىم نىشانى بايقالعانىن ايتقان. بىراق ەشقايسىسىندا اقش پرەزيدەنتىنىڭ بۇل پروتسەسكە تىكەلەي ارالاسقانىن دالەلدەيتىن ايعاق جوق.

ەگەر وكىلدەر پالاتاسى ترامپقا يمپيچمەنت جاريالاسا، ولاردان كەيىن بۇل ماسەلەنى اقش سەناتى قارايدى. بۇل ماسەلە بويىنشا تۇبەگەيلى شەشىم شىعۋى ءۇشىن وعان كونگرەستىڭ جوعارى پالاتاسىنىڭ ۇشتەن ەكىسى قولداپ داۋىس بەرۋى ءتيىس.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3523