جۇما, 29 ناۋرىز 2024
3030 1 پىكىر 7 قاراشا, 2019 ساعات 16:24

قازاقستان بۇۇ-دا ادام قۇقىعى احۋالىنا بايلانىستى ەسەپ بەرىپ جاتىر

6 قاراشادا جەنەۆادا بۇۇ-نىڭ ادام قۇقىعى كەڭەسىندە قازاقستان بيلىگىنىڭ ادام قۇقىعى احۋالىنا بايلانىستى ەسەبى تىڭدالدى. قازاقستاندىق دەلەگاتسيانى باستاپ كەلگەن ادىلەت ءمينيسترى مارات بەكەتاەۆ قازاقستاننىڭ حالىقارالىق قاۋىمداستىق الدىندا العان مىندەتتەمەلەرىن ورىنداۋعا تىرىسىپ وتىرعانىن جەتكىزدى.

ول پرەزيدەنت قاسىم-جومارت توقاەۆتىڭ "حالىقتىڭ پىكىرىنە قۇلاق سالاتىن" مەملەكەت قۇرۋ تۋرالى ماقسات قويعانىن، سوعان سايكەس بيلىكتىڭ "ازاماتتىق قوعاممەن تىعىز جۇمىس جاساپ جاتقانىن" العا تارتتى. ول مىسال رەتىندە قوعاممەن ديالوگ ورناتۋدى كوزدەيتىن "ۇلتتىق قوعامدىق سەنىم كەڭەسى" قۇرىلعانىن، ونىڭ قۇرامىنا قۇقىق قورعاۋشىلار، ەكونوميستەر، ءتۇرلى سالا ماماندارى كىرگەنىن ايتتى.

بەكەتاەۆ قازاقستاننىڭ سوت اشىقتىعىن قالىپتاستىرۋدى ماقسات ەتىپ وتىرعانىن ايتىپ، قازىر سوت قۇجاتتارىنىڭ 90 پايىزىن ونلايندا وقۋعا بولاتىنىن جەتكىزدى. ونىڭ ايتۋىنشا، قازاقستاندا بارلىق سوت زالدارى اۋديو-ۆيدەو قۇرىلعىلارىمەن جابدىقتالعان. مينيستر بۇعان قوسا، بالا جانە ايەل قۇقىعى، ازشىلىق توپتاردىڭ قۇقىعى، ءدىني بوستاندىق جانە وزگە سالالاردا قازاقستاننىڭ "جەتىستىكتەرىنە" توقتالدى.

مينيستر ەسەبىنەن كەيىن قازاقستاننىڭ ادام قۇقىعى احۋالىنا بايلانىستى سەسسياعا قاتىسقان وزگە مەملەكەتتەر پىكىرىن ايتىپ، كەڭەس بەردى. اۆستريا قازاقستاندا قۇقىق قورعاۋشىلار مەن بەلسەندىلەردىڭ قۋعىندالۋى جايلى حابارلامالارعا الاڭداپ وتىرعانىن ايتتى. اۆستراليا ەلدە ازاپتاۋ فاكتىلەرىن تولىق ءارى اشىق زەرتتەۋگە شاقىرسا، اقش "ار-نامىستى قورلاۋ" بابىن قىلمىستىق كودەكستەن الىپ تاستاۋعا شاقىردى. سونىمەن بىرگە سەسسيا كەزىندە قازاقستان جاعىنا سايلاۋ زاڭناماسىن جەتىلدىرۋ، بەيبىت جينالۋ قۇقىعىن شەكتەمەۋ، ۇكىمەتتىك ەمەس ۇيىمداردى تىركەۋدى جەڭىلدەتۋ جايلى كەڭەس بەرىلدى.

قازاقستان العاش رەت امبەباپ كەزەكتى شولۋدى 2010 جىلى اقپان ايىندا تانىستىرعان. بيىل ءۇشىنشى رەت ەسەپ بەردى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541