جۇما, 29 ناۋرىز 2024
46 - ءسوز 7472 74 پىكىر 7 قاراشا, 2019 ساعات 13:13

يمامداردىڭ كىسى ولگەندە "لەكتسيا" وقۋى جاپپاي تەندەنتسياعا اينالىپ كەتتى

انا جىلى شىڭعىستاۋدا، ءوزىم قاتتى سىيلايتىن جەزدەم قايتىس بولدى. ادەتتەگىدەي، جانازا الدىندا - مولدا "لەكتسياسى". ول "لەكتسياسى" "قاتىندار بىلاي تۇرىڭدار!.." دەگەننەن باستالدى. وعان شىدادىم. جەر باسىنا بارىپ قايتتىق. سونسوڭ، اس الدىندا الگى مولدا ءدامحانانىڭ ساحناسىنا شىعىپ الىپ، تاعى دا "لەكتسياسىن" باستادى. ءتىپتى ۇزاپ بارادى. جۇرتتىڭ ءبارى باس يزەسىپ الەك.

مەن سو جولى مولدانىڭ مازاعىنا شىداي المادىم. ويتكەنى بەت-جۇزىندە ۋايىم-قايعىنىڭ ەش نىشانى جوق. سەمىرگەن. ەلدىڭ ءبارىن اقىماق سانايتىن پيعىل كوزىنەن جىلت-جىلت ەتەدى. بەينە ءبىر، و دۇنيەگە ءوزى بارىپ كەلگەندەي، قۇدايدان سالەم العانداي، ءوز سوزىنە ءوزى ۋداي ماس. شىداي المادىم دا:

-اينالايىن، ۋاعىزىڭدى مەشىتىڭدە جۇرگىز. ءبىز قازىر ارداقتى ادامىمىزدان ايىرىلىپ، قايعىدان قان جۇتىپ وتىرمىز. مىندا كوپتەگەن اعايىن قوشتاسۋ ءسوزىن ايتقالى كەلىپ وتىر. ولاردىڭ جۇباتۋ ءسوزىن دە ەستىگىمىز كەلەدى. سوڭىنان باسقا دا شارۋالارى بار تىرىلەردىڭ. سەنىڭ بىتپەيتىن "شاريعاتىڭدى" قايتا-قايتا تىڭداپ وتىرۋعا ۋاقىت جوق. توقتات! - دەپ اقىرىپ جىبەردىم. سوندا، قالىڭ قازاعىمنىڭ اراسىنان تەك ءبىر شالدىڭ عانا قارسىلىق داۋىسىن ەستىدىم. نە بولار ەكەن دەپ، جۇرت سىلەيىپ قالعان.

ەشتەڭە دە بولعان جوق. مولدا ابىرجىپ، ساحنادان ءتۇسىپ كەتتى. اس ءبىتتى. شىعۋعا بەت العانىمىزدا، تار دالىزگە كەپتەلگەن جۇرت ىشىندەگى كوپتەگەن "اقساقالدار" ەلگە بىلدىرتپەي: - سەنىكى ءجون بولدى، ءجون بولدى - دەسىپ، سىبىرلاسا قولىمدى قىسىپ، ءوتىپ جاتتى قاسىمنان....

ارينە، ءبىزدىڭ سو جولعى رەنىشىمىز ناقتى سو مولداعا عانا ەمەس، بارشا يمام-مولدالارعا دەگەن رەنىش بولاتىن. ويتكەنى ولاردىڭ سونداي سۇيكىمسىز-ءجونسىز قاراكەتتەرى تالاي جىلداردان بەرى جاپپاي تەندەنتسياعا اينالىپ كەتتى.

تىنىشتىقبەك ابدىكاكىمۇلىنىڭ facebook پاراقشاسىنان

Abai.kz

74 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3567