جۇما, 29 ناۋرىز 2024
4846 15 پىكىر 7 قاراشا, 2019 ساعات 12:36

الماتىدا ءشامشى قالداياقوۆقا ەسكەرتكىش ورناتىلدى

الماتىدا قر مەملەكەتتىك ءانۇرانىنىڭ اۆتورى، كومپوزيتور ءشامشى قالداياقوۆقا ارنالعان ەسكەرتكىش ورناتىلدى. ءمۇسىن رەسپۋبليكا سارايى مەن "قازاقستان" قوناقۇيىنىڭ اراسىنداعى سكۆەردە قويىلعان.

ەسكەرتكىشتىڭ اشىلۋ سالتاناتىنا الماتى قالاسىنىڭ اكىمى باقىتجان ساعىنتاەۆ پەن زيالى قاۋىم وكىلدەرى جانە كومپوزيتوردىڭ تۋىستارى قاتىستى.

باقىتجان ساعىنتاەۆ، الماتى قالاسىنىڭ اكىمى:

-ءشامشى اعامىز ءوزىنىڭ اندەرىن جاستارعا دا، جاستاردىڭ ماححاباتىنا دا، دۋمانعا دا، ەل ابىرويىن اسقاقتاتاتىن جاعىنا دا باعىشتاعان. ول اندەرىمەن ءار شاڭىراقتى تەربەتىپ قويعان جوق. بۇكىل قازاق جەرىن تەربەتتى. ەل تاۋەلسىزدىك العان سوڭ حالىق ءارتىسى اتاعىن الدى. ال بىراق حالقى ونىڭ اتاعىن ودان الدەقايدا بۇرىن بەرگەن. "قازاق ءۆالسىنىڭ كورولى" دەگەن. ونداي اتاققا جەتەتىن اتاق جوق. بۇل – ەلدىڭ، حالىقتىڭ سۇيسپەنشىلىگى.

ال، كومپوزيتوردىڭ جۇبايى ءجاميلا قالداياقوۆا جينالعان كوپشىلىككە العىس ايتىپ، ريزاشىلىعىن ءبىلدىردى.

ءجاميلا قالداياقوۆا، كومپوزيتوردىڭ جارى: 

-بۇگىن سونداي قۇتتى كۇن. كەلىپ، باس ءيىپ قۇتتىقتاپ كەلگەندەرىڭىزگە راحمەت. ءشامشى قالداياقوۆ حالىقتىڭ سۇيگەن كومپوزيتورى، باقىتتى جان. ماعان «ءجاميلا، مەن وتە باقىتتى اداممىن، مەنى حالىق جاقسى كورەدى، بارعان جەرىمدە قۇرمەتتەيدى» دەپ ايتاتىن.

ايتا كەتەيىك، "قازاق ءۆالسىنىڭ كورولى" اتانعان ءشامشى قالداياقوۆ ەل اراسىنا كەڭىنەن تانىمال بىرقاتار اندەردىڭ اۆتورى. ال، ونىڭ  قازاق جەرىن قورعاۋعا ارنالعان "مەنىڭ قازاقستانىم" ءانى 2006 جىلى قازاقستان رەسپۋبليكاسىنىڭ مەملەكەتتىك ءانۇرانى بولىپ بەكىتىلدى. ءسوزىن جازعان جۇمەكەن ناجىمەدەنوۆ.

ال، ءان ماتىنىنە ەكس-پرەزيدەنت ن.نازارباەۆ ازداپ وزگەرىس ەنگىزگەن.

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616