جۇما, 29 ناۋرىز 2024
3497 1 پىكىر 6 قاراشا, 2019 ساعات 11:30

«بيزنەستىڭ جول كارتاسى – 2025» مەملەكەتتىك باعدارلاماسىن ىسكە اسىرۋعا 421 ملرد تگ باعىتتالادى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا «بيزنەستىڭ جول كارتاسى – 2020» مەملەكەتتىك باعدارلاماسىن ىسكە اسىرۋ بارىسى جانە بيزنەستى قولداۋدىڭ 2025 جىلعا دەيىنگى جاڭا تاسىلدەرى قارالدى. 

اتالعان باعىتتا اتقارىلىپ جاتقان جۇمىستار جانە باعدارلامانىڭ الداعى بەس جىلدىق كەزەڭگە ارنالعان جوباسى تۋرالى قر ۇلتتىق ەكونوميكا ءمينيسترى ر. دالەنوۆ، بيزنەس جۇرگىزۋ نەگىزدەرىنە وقىتۋ جانە كاسىپكەرلەرگە اقىل-كەڭەس بەرۋ تۋرالى «اتامەكەن» ۇكپ باسقارما توراعاسى ا. مىرزاحمەتوۆ باياندادى.

«ەلباسى ن. نازارباەۆتىڭ ايتۋىنشا، مىقتى بيزنەس – ەكونوميكانىڭ تۇراقتىلىعىن قامتاماسىز ەتۋدىڭ ماڭىزدى فاكتورلارىنىڭ ءبىرى. وسى جىلدىڭ مامىر ايىندا مەملەكەت باسشىسى ق. توقاەۆ ۇلتتىق ينۆەستورلار كەڭەسىنىڭ وتىرىسىندا شوب-تىڭ ءرولىن كۇشەيتۋ جانە ونىڭ ەل ەكونوميكاسىنداعى ۇلەسىن 2025 جىلعا قاراي كەم دەگەندە 35%-عا جەتكىزۋ مىندەتىن قويدى. 2050 جىلى ءبىز 50% كورسەتكىشكە جەتۋىمىز كەرەك. اتالعان كورسەتكىشتەرگە قول جەتكىزۋ ءۇشىن اۋقىمدى جۇمىستار جۇرگىزىلىپ جاتىر، سونىڭ ىشىندە زاڭناماعا وزگەرىستەر ەنگىزىلۋدە»، — دەدى ا. مامين.

ۇكىمەت باسشىسى «بيزنەستىڭ جول كارتاسى – 2020» مەملەكەتتىك باعدارلاماسى ءوزىنىڭ تيىمدىلىگىن دالەلدەگەنىن اتاپ ءوتتى. 2010 جىلدان باستاپ ونى ىسكە اسىرۋدىڭ ناتيجەسىندە 342 مىڭنان استام جۇمىس ورنى ساقتالىپ، 94 مىڭنان استام جاڭا جۇمىس ورنى قۇرىلدى. شاعىن جانە ورتا بيزنەستىڭ ەلىمىزدىڭ ءجىو-دەگى ۇلەسى 2015 جىلعى 24,9%-دان 2018 جىلى 28,4%-عا دەيىن ءوستى. شوب ونىمدەرىنىڭ كولەمى 10 ترلن تەڭگەگە 13,3-تەن 23,4 ترلن تەڭگەگە دەيىن ءوستى. سۋبەكتىلەردىڭ سانى 300 مىڭنان استامعا 900 مىڭنان 1,3 ملن-عا دەيىن ءوستى. بيىل قازاقستان دۇنيەجۇزىلىك بانكتىڭ «Doing Business» بيزنەس جۇرگىزۋ جەڭىلدىگى رەيتينگىندە 28 ورىننان 25 ورىنعا كوتەرىلدى.

2015 جىلدان باستاپ مەملەكەتتىك باعدارلامانى جۇزەگە اسىرۋعا 282 ملرد تەڭگە ءبولىندى، جاڭا «بيزنەستىڭ جول كارتاسى – 2025» باعدارلاماسى اياسىندا ءبىر جارىم ەسە كوپ قاراجات – 421 ملرد تگ قاراستىرىلعان.

الداعى بەس جىلدىق كەزەڭدە بيزنەستىڭ ىڭعايلاسپا مىندەتتەمەلەرىن ەنگىزۋ كوزدەلگەن (جۇمىس ورىندارىن ساقتاۋ/ۇلعايتۋ، تولەنەتىن سالىقتار مەن باعدارلاماعا قاتىسۋشىلاردىڭ كىرىستەرىنىڭ ءوسۋى), فرانشيزالاردى ساتىپ الۋعا جانە قايتا قارجىلاندىرۋعا نەسيە بەرۋ ماقساتتارىن كەڭەيتۋ كوزدەلگەن. مەملەكەتتىك گرانتتىڭ مولشەرى 3 ملن-نان 5 ملن تەڭگەگە دەيىن، اينالىم قاراجاتتارىن نەسيەلەندىرۋ 60-تان 180/360 ملن تەڭگەگە دەيىن ۇلعايتىلادى. باعدارلاماعا ەكىنشى دەڭگەيلى بانكتەرمەن قاتار، ميكروقارجى ۇيىمدارى دا قاتىسۋشى رەتىندە قوسىلادى.

پرەمەر-مينيستر ۇلتتىق ەكونوميكا مينيسترلىگىنە وسى جىلدىڭ قاراشا ايىنىڭ سوڭىنا دەيىن «بيزنەستىڭ جول كارتاسى – 2025» باعدارلاماسىنىڭ قابىلدانۋىن قامتاماسىز ەتۋدى، 2019 جىلدىڭ سوڭىنا دەيىن قاجەتتى نورماتيۆتىك قۇقىقتىق اكتىلەردىڭ قابىلدانۋىن قامتاماسىز ەتۋدى، «اتامەكەن» ۇكپ جانە «دامۋ» اق-مەن بىرلەسىپ، كاسىپكەرلەر اراسىندا جاڭا باعدارلامانىڭ تاسىلدەرى مەن مۇمكىندىكتەرى تۋرالى اقپاراتتىق-ءتۇسىندىرۋ جۇمىستارىن جۇرگىزۋدى تاپسىردى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620