Сейсенбі, 19 Қазан 2021
1636 0 пікір 3 Шілде, 2019 сағат 18:40

Қызылордалық «Қайсар-КАМ-ҚМУ» Азия чемпионатын жеңіп алды

Алматы қаласында гандболдан əйелдер арасында өткен 4-ші клубтық Азия чемпионатында сырбойылық арулардан құралған "Қайсар-КАМ-ҚМУ" командасы жеңіс тұғырынан көрінді,- деп хабарлайды Абай-ақпарат.

Додада Солтүстік Корея, Өзбекстан, Алматының "Алматы" гандбол клубы жəне "Қайсар-КАМ-ҚМУ" командалары бақ сынған.

Тәжірибелі қызылордалық арулар 12 ұпай жинап, екінші мəрте клубтар лигасының Азия чемпионы атанды.

Команданың бас бапкер – Ким Вячеслав. Оның айтуынша, команда 3 рет клубтық Азия чемпионатына қатысып, оның екеуінде жеңіске жетсе, біреуінде күміс жүлдені иеленді.

Алдағы уақытта жергілікті клуб 1-4 тамыз аралығында Уси қаласында (Қытай) өтетін клубтар лигасы арасындағы Əлем чемпионатына қатыспақ

Abai.kz

0 пікір