Қызылорда облысында темекі шегуге қарсы күрес айлығы жүріп жатыр
ҚЫЗЫЛОРДА. 28 мамыр. ҚазАқпарат /Жаңагүл Сердалы/ - Қызылорда облысында бір айдан бері жүріп жатқан темекіге қарсы күрес айлығы аяқталып келеді.
Осыған орай облыстық салауатты өмір салтын қалыптастыру орталығында «Шылым шегушілікті шектеудің өзекті мәселелері» тақырыбында қоғамдық тыңдау өткізілді.
Шараға облыстық ішкі саясат, кәсіпкерлік және өнеркәсіп, ішкі істер департаменттерінің өкілдері, басқа да сала мамандары атсалысты. Жиында айтылғандай, биылғы жылдың басынан бері облыс бойынша тәртіп сақшылары 452 азаматты тыйым салынған жерлерде темекі шеккені үшін әкімшілік жауапкершілікке тартқан. Оларға жалпы сомасы 683424 теңге айыппұл салынған.
Статистикалық деректерге сүйенсек, жыл сайын жер бетінде шылым шегуден 5 миллионнан астам адам қайтыс болатын көрінеді. Ал жаһанда темекі шегетіндердің саны қазір 1,2 миллиард адамнан асады. Бұл зәрлі түтіннің әр талы адам өмірін 12 минутқа қысқартады. Өйткені, оның түтінінде 4000-ға жуық химиялық заттар бар.
Акцияға қатысушылар осы жайында тарқатып айтты. Сонымен қатар Қазақстанда жыл сайын темекі шегушіліктен пайда болған аурулардан 27 мың адам көз жұматыны да жеткізілді. Бір өкініштісі, елімізде әйелдер арасындағы темекі шегушілік деңгейі 9,8 пайызды құрайды екен.
_
ҚЫЗЫЛОРДА. 28 мамыр. ҚазАқпарат /Жаңагүл Сердалы/ - Қызылорда облысында бір айдан бері жүріп жатқан темекіге қарсы күрес айлығы аяқталып келеді.
Осыған орай облыстық салауатты өмір салтын қалыптастыру орталығында «Шылым шегушілікті шектеудің өзекті мәселелері» тақырыбында қоғамдық тыңдау өткізілді.
Шараға облыстық ішкі саясат, кәсіпкерлік және өнеркәсіп, ішкі істер департаменттерінің өкілдері, басқа да сала мамандары атсалысты. Жиында айтылғандай, биылғы жылдың басынан бері облыс бойынша тәртіп сақшылары 452 азаматты тыйым салынған жерлерде темекі шеккені үшін әкімшілік жауапкершілікке тартқан. Оларға жалпы сомасы 683424 теңге айыппұл салынған.
Статистикалық деректерге сүйенсек, жыл сайын жер бетінде шылым шегуден 5 миллионнан астам адам қайтыс болатын көрінеді. Ал жаһанда темекі шегетіндердің саны қазір 1,2 миллиард адамнан асады. Бұл зәрлі түтіннің әр талы адам өмірін 12 минутқа қысқартады. Өйткені, оның түтінінде 4000-ға жуық химиялық заттар бар.
Акцияға қатысушылар осы жайында тарқатып айтты. Сонымен қатар Қазақстанда жыл сайын темекі шегушіліктен пайда болған аурулардан 27 мың адам көз жұматыны да жеткізілді. Бір өкініштісі, елімізде әйелдер арасындағы темекі шегушілік деңгейі 9,8 пайызды құрайды екен.
_
