Бейсенбі, 9 Шілде 2020
COVID-19 ҚАЗАҚСТАНДА. Жұқтырғандар — 41065. Жазылғандар — 13614. Қайтыс болғандар — 188
Жаңалықтар 1128 0 пікір 26 Шілде, 2018 сағат 14:40

Сәнге оранған Саялы

Алатау ауданындағы «Саялы» ықшам­ауданы күн санап көркейіп келеді. Алыстан көзтартар көркем үйлері бар бұл ықшамауданның негізгі тұрғындары – мемлекеттік бағдарла­мамен баспаналы болған жас отбасы­лар. «Саялы» тұрғындарының бүлдір­шін­деріне тәлімді тәрбие беріп отырған №78 бөбекжай-балабақшаның көрікті келбеті кім-кімді де сүйсіндіреді.

Балабақша аумағы 2,5 гектарды алып жатыр. Өте кең алқапты жүйелеп, кәдеге асыру да оңай шаруа емес. Дегенмен, бөбекжай-балабақша мең­ге­рушісі Светлана Исаеваның тыным­сыз еңбегінің арқасында балабақша көкпеңбек болып, жайқалып тұр. Бір ғана балабақшаның өрелі ісі бүкіл ау­данға үлгі болып отыр десе де болады.

Қазіргі таңда мұнда күтімді аса қажет ететін шырша ағашының 60 түбі, шие, алмұрт ағаштары самсап тұрса, сирек кездесетін гүлдердің 10-нан астам түрі жайқалып тұр. Жалпы, гүл өсіріп, бау-бақша баптау кез-келген адамның қолынан келе бермейді. Бұл іске нәзіктік, еңбекқорлық, ыждағат­тылықпен бірге сабырлық та қажет.

Жайқалған балабақша 350-ден астам бүлдіршіннің деніне саулық, іңкәрлікке құштарлық, табиғатқа жақын болуға баулып отыр. Балабақ­ша ауласындағы жасыл желекті күтіп-баптап жүрген ерлі-зайыпты Жұмахан Есенқұлов пен Күлжазира Айтпанбе­тованың еңбегіне ата-аналар да разы.

Abai.kz

0 пікір