Сооронбай Жээнбеков кеңес отысында 2018 жылдың 1 шілдесінен бастап декларациялық кампания бастағанын, осыған орай мемлекеттік қызметкерлердің табысы мен шығынын жіті тексеруді тапсырған.
«Әрбір министрлік пен ведомствоның коррупциялық тәсімдерінің бар, жоғын, оның ішінде шенеуніктерді де жеке-жеке тексеріңдер. Тағы да қайталаймын — коррупциямен күрес аяусыз болуы керек. Азаматтар жемқорлықты жою үшін іс-әрекет пен қатаң жаза күтеді»,- деп атап өткен қырғыз президенті.
Қауіпсіздік кеңесінің хатшысы Дамир Сағынбаев бүкіл декларацияны тексеруге арналған құқықтық база дайын екенін жариялаған.
«Үкімет тарапынан декларацияларды тексеру механизмін анықтайтын арнайы қаулы қабылданды. Бірінші кезекте саяси қызметте отырған жоғары лауазымды тұлғаларды, оның ішінде президент аппараты, үкімет және Жогорку Кеңеште отырған шенеуніктерді тексереміз», - деген Дамир Сагынбаев.
Тексерудің алғашқы қорытындысы биыл қыркүйек, қазан айында жарияланбақ.
Abai.kz
