Сәрсенбі, 21 Қазан 2020
COVID-19 ҚАЗАҚСТАНДА. Жұқтырғандар — 109623. Жазылғандар — 105145. Қайтыс болғандар — 1796
Құйылсын көшің 2442 3 пікір 29 Мамыр, 2018 сағат 10:40

Қазақстан азаматтығына қабылдау және одан шығу мәселелері қарастырылды

Мемлекеттік хатшы Гүлшара Әбдіқалықованың төрағалығымен Қазақстан Республикасының Президенті жанындағы Азаматтық мәселелері жөніндегі комиссияның кезекті отырысы өтті. 

Жиын барысында Қазақстан азаматтығына қабылдау және одан шығу мәселелері қарастырылды.

Мемлекет басшысы тиісті Жарлыққа қол қойғаннан кейін таяу және алыс шетелдерден келген әртүрлі этностың 587 өкілі біздің еліміздің азаматтарына айналады.

– Қазақстан азаматы болуды қалайтындар саны жылдан жылға артып келеді. Аталған жайт Қазақстандағы азаматтық институттың халықаралық беделі артқандығын, мемлекеттің әлеуметтік-экономикалық жүйесінің тұрақтылығын, этносаралық қарым-қатынас мәдениетінің дамығандығын айғақтайды.

Бұл Елбасы Нұрсұлтан Әбішұлы Назарбаев ұсынған, ұзақ мерзімге арналған «Қазақстан – 2050» стратегиясының жүйелі жүзеге асырылуының арқасында мүмкін болды.

Біз жаңа қазақстандықтарға бақытты өмір тілейміз және енді олардың өз Отаны болып саналатын еліміздің игілігі жолында тиімді еңбек етулеріне ниеттестік білдіреміз. Еліміздің лайықты азаматтары болып, тәуелсіз Қазақстанның одан әрі дамуына олардың да өз үлесін қосатынына сенімдімін, – деді Мемлекеттік хатшы.

Комиссия отырысының қорытындысы бойынша тиісті шешімдер мен ұсынымдар қабылданды. Мемлекеттік хатшы жаңа отандастар еліміздің лайықты азаматы болып, тәуелсіз Қазақстанның одан әрі дамуы мен өсіп-өркендеуіне өз үлесін қосатынына сенім білдірді.

Айта кетейік, тәуелсіздік алған сәттен бері 1 млн-нан астам адам еліміздің азаматтығын алған. Бұл Елбасы Н.Ә.Назарбаевтың басшылығымен батыл өсіп-өркендеп келе жатқан мемлекет ретіндегі Қазақстанның әлемдегі тартымдылығын айғақтайды.

Abai.kz

3 пікір