Сенбі, 28 Қаңтар 2023
3246 1 пікір 27 Сәуір, 2018 сағат 08:50

Армения оппозициясы Ресей әскери базасы орналасқан Гюмриде митинг өткізеді

Армения оппозициясы жұма күні Ресей әскери базасы орналасқан Гюмри қаласында митинг өткізуге ниетті. Осы себептен Ереванда наразылық акциясы екі күнге тоқтатылады деп мәлімдеді парламенттегі "Елк" фракциясының жетекшісі Никол Пашинян.

Пашинян сонымен бірге үкімет басшысы міндетін уақытша атқарып отырған Карен Карапетянмен келіссөз жүргізуге дайын екенін айтты. Бірақ ол келіссөз тек журналистердің қатысуымен өтуі керек дейді.

25 сәуір, сәрсенбі күні Пашинян Армениядағы Ресей елшісі Иван Волынкинмен кездескен. Ресей елшісі өз кезегінде Мәскеу Армениядағы саяси дағдарысқа араласпайды деген.

Ереванда 13 сәуірден бері наразылық акциясы өтіп жатыр. Ел премьер-министрі Серж Саргсян отставкаға кетті. Ол елді 10 жыл басқарған. Ол соңғы мерзімінде Конституцияға өзгерістер енгізіп, премьер өкілеттігін кеңейткен. Президенттік мерзімі аяқталғаннан кейін, үкімет басшысы қызметіне келген.

Халық наразылығынан кейін Саргсянмен бірге үкімет те отставкаға кетті. Пашинян мен оның жақтастары премьерлікке "халық атынан кандидат" тағайындалғанша, наразылық шарасын жалғастыра беретінін мәлімдеді.

Abai.kz

1 пікір

Үздік материалдар

Анық-қанығы

Жақиянов: Маған ашық жала жабуға кірісті...

Ғалымжан Жақиянов 3140
Адасқандар

Мобилизация: Келімсектердің сенері - «дядя Вова!»

Жайберген Болатов 2240
Айқай

Елде ұлттық идеология өте әлсіз...

Бейсенғазы Ұлықбек 1914