БҰҰ бас хатшысы Антониу Гутерриш жаңа қырғи-қабақ соғыстың басталып кеткенін мәлімдеді. Бұл туралы NUR.KZпорталы lenta.ru сайтына сілтеме жасап хабарлайды.

SVT телеарнасына сұхбат берген Антониу Гутерриш Қауіпсіздік кеңесі жұмысының тиімсіздігін алға тартып, әлемде қырғи-қабақ соғыс басталғанын айтқан.

"Қырғи-қабақ соғысы қайта оралды. ХХ ғасырда АҚШ пен Кеңес Одағының арасында үлкен жанжал болған. Ал бүгінде Мәскеу мен Вашингтон бәрін бақылауда ұстай алмайтын болды. Аймақта көптеген елдер тым белсенді болуда: Түркия, Иран, Сауд Арабиясы және өзгелер, екіжақты бақылау жүйесі жойылған", - дейді ол.

Гутерриш Ресей мен Батыстың арасындағы жанжал жақсылыққа апармайтынын алға тартты.

"Біз диалогтың қалпына келуі үшін барымызды салуымыз керек. Екі тараптың арасында өткен аптада болған шиеленісті тарқату керек", - дейді бас хатшы.

Абай-ақпарат