Жұма, 29 Наурыз 2024
3847 0 пікір 2 Қазан, 2017 сағат 08:52

Қырғыз депутаты билікті басып алмақ болды деген күдікпен 48 сағатқа қамалды

Қырғызстан парламентінің депутаты Қанатбек Исаев «қылмыс жасауға дайындалды», «жаппай тәртіпсіздік ұйымдастырмақ болды» және «билікті күшпен басып алмақ болды» деген күдікпен 48 сағатқа қамауға алынған. Бұл жөнінде Қырғызстанның мемлекеттік ұлттық қауіпсіздік комитеті хабарлайды.

Заңға сәйкес 48 сағаттың ішінде оны ұстау шарасы белгіленеді. Қазіргі уақытта депутатты арнайы қызметтің тергеу абақтысына отырғызған.

30 қыркүйекте Қырғызстанның ұлттық қауіпсіздік комитеті Жоғорку Кеңеш депутаты Қанатбек Исаевтың және ұйымдасқан қылмыстық топтың ұсталғанын хабарлап, олғарға қатысты бас прокуратура қылмыстық іс қозғады деп мәлімдеді.

«Қылмыстық істің материалында президенттіктен үміткер Өмірбек Бабановтың белсенді жақтасы Қанатбек Исаев жаппай тәртіпсіздік ұйымдастырып, билікті басып алу мақсатында жастарды ақшаға қызықтырып, дайындап, оларды сайлау кезінде және сайлау өткеннен кейін пайдаланбақ болған», - делінген Қырғызстанның арнайы қызметі таратқан мәлімдемеде.

1 қазанда Өмірбек Бабанов Бішкекте баспасөз мәслихатын өткізіп, әріптесінің қамауға алуына қатысты пікірін білдірді. Ол мұның арандату екенін айтып, егер Қанат Исаев өзін қолдамағанда, онда мұндай проблема болмаушы еді деді.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1565
Алашорда

Қожанов межелеу науқанында (Жалғасы)

Бейбіт Қойшыбаев 2260
Ғибырат

Қайсар рухты ғазиз жан

Мұхтар Құл-Мұхаммед 3541