Жұма, 15 Қаңтар 2021
2184 0 пікір 2 Қазан, 2017 сағат 08:49

Қырғыз-өзбек шекарасында "Мәдениет" өткізу бекеті ашылады

Қырғызстанның Жалал-Абад облысындағы қырғыз-өзбек шекарасында "Мәдениет" бақылау-өткізу бекеті қайта ашылады.

Азаттықтың жергілікті тілшісінің хабарлауынша, екі жақтан 300-дей адам шекараның ашылуын күтіп тұр. Ашылу салтанатына Қырғызстан және Өзбекстанның жергілікті билік өкілдері қатысады.

Аталған бақылау-өткізу бекеті 2004 жылы ашылған. Бірақ 2016 жылы өзбек тарапы шекараны біржақты жауып тастаған.

Биыл қыркүйек айында Жалал-Абад облысы Ала-Бөкен ауданындағы «Баймак-автожолы» мен Ош облысындағы «Достық» бақылау-өткізу бекеттері жеңілдетілген тәртіпке көшкен болатын.

Abai.kz

0 пікір